Pavlodarda emhanalardyń jumys tártibi ózgertilip jatyr – ákim
2022 jylǵy 28 maýsym 16:16

Pavlodarda emhanalardyń jumys tártibi ózgertilip jatyr – ákim

NUR-SULTAN. QazAqparat – Pavlodarda emhanalardyń jumysyn qaıta qurý júrip jatyr. Bul týraly Ortalyq kommýnıkatsııalar qyzmetinde Pavlodar oblysynyń ákimi Ábilqaıyr Sqaqov aıtty, dep habarlaıdy QazAqparat tilshisi.

«Pavlodarlyqtar emhanalardyń jumysyna qatysty maǵan jıi shaǵymdanady. Apta saıyn bir mazmundaǵy habarlamalar kelip túsetinin eskersek, emhanalardaǵy máseleler júıeli sıpatta ekenin túsiný kerek. Osy oraıda biz ne istedik? Birinshiden, men emhanalardy aralap shyqtym. Keıinnen oblystyq densaýlyq saqtaý mekemesiniń basshylyǵymen jáne basqa da taraptarmen kol-ortalyqtary, tirkeý bólimderi jumystaryna, sondaı-aq emhana ishindegi máselelerge taldaý júrgizdik. Sebebi shaǵymdar telefon arqyly baılanysqa shyǵýdyń qıyndyǵy, personaldyń dóreki qarym-qatynasy, qabyldaýǵa barǵan adamdardyń kezekte uzaq turýy sekildi máselelerge qatysty bolyp otyr», - dedi Á. Sqaqov.

Osy oraıda ol medtsınalyq uıymdarda kelgen adamdarǵa qolaıly jaǵdaı jasaý múmkindikteri nazarǵa alynbaǵanyn synǵa aldy.

«Bastapqy medıtsınalyq-sanıtarlyq qyzmet jumysyn qaıta quryp jatyrmyz. Bul turǵyda turǵyndarǵa qolaıly jaǵdaı jasaýǵa ekpin qoıylǵan. Qazirgi kezde emhanalarǵa qońyraý shalý kezindegi kútý ýaqyty 4 esege qysqardy. Al medbıkeler beketterin engizý esebinen dárigerlerdiń júktemesi 35 paıyzǵa azaıdy. Emhanalarda tsıfrlyq beketter ornatyldy. Sonymen qatar call-ortalyqtardyń, tirkeý bólimderiniń jáne basqa da qurylymdyq bólimshelerdiń 385 qyzmetkeri oqytýdan ótti», - dedi óńir ákimi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT