Pavlodarda eki sybaılas jalǵan shot-faktýra beretin 13 kompanııa qurǵan
2022 jylǵy 5 shilde 09:46

Pavlodarda eki sybaılas jalǵan shot-faktýra beretin 13 kompanııa qurǵan

PAVLODAR. QazAqparat - Pavlodarda jalǵan shot-faktýra shyǵarýdan memleketke 2 mlrd teńge shyǵyn keldi, dep habarlaıdy QazAqparat.

Qarjylyq monıtorıng agenttigi Pavlodar oblysy boıynsha departamentiniń qyzmetkerleri shot-faktýrany zańsyz jazyp berý faktileriniń jolyn kesti.

Tergeý barysynda V.R. Legın men S. A. Ryjakov jalǵan tulǵalarǵa resimdelgen 13 kompanııa qurǵany anyqtaldy.

Sodan keıin materıaldyq paıda tabý maqsatynda 2019 jyldan bastap 2021 jylǵa deıin osy kompanııalardyń atynan birqatar zańdy tulǵalarǵa jalpy somasy 6,5 mlrd teńgege jalǵan shot-faktýra jazyp berdi.

V.R. Legın men S.A. Ryjakovtyń qylmystyq áreketinen memleketke tólenbegen salyq túrinde 2 mlrd teńgeden astam somaǵa zalal keldi.

Sot ekeýin de kináli dep taýyp, Legın Vılgelm Robertovıch pen Ryjakov Sergeı Aleksandrovıchti 2 jyl 9 aıǵa bas bostandyǵynan aıyrdy.

Legınnen 13 mln teńgeden astam aqsha tárkileý týraly úkim shyqty.


Jańalyqtar

Úrdis

MURAǴAT