Pavlodarda beımálim zattan ýlanǵan altynshy adam qaıtys boldy
2022 jylǵy 29 mamyr 17:25

Pavlodarda beımálim zattan ýlanǵan altynshy adam qaıtys boldy

PAVLODAR. QazAqparat – Pavlodar oblysynda belgisiz zattan ýlanyp, aýrýhanaǵa jetkizilgen taǵy bir patsıent ómirden ozdy, dep habarlaıdy QazAqparat tilshisi atalǵan óńirdiń densaýlyq saqtaý basqarmasyna silteme jasap.

«Búgin tańerteń Ertis aýdandyq aýrýhanasynda taǵy bir patsıent qaıtys boldy. Ekinshi syrqattyń jaǵdaıy aýyr», - delingen baspasóz qyzmeti taratqan aqparatta.

Habarlamada aıtylǵandaı, belgisiz zattan ýlanyp qaıtys bolǵandardyń denesinen zorlyq-zombylyq, kúsh kórsetý belgileri baıqalmaǵan.

«Sot-medıtsınalyq saraptamalar taǵaıyndaldy. Olardyń nátıjesi boıynsha protsestik sheshim qabyldanady», - deıdi atalǵan mekemeden.

Aıta keteıik, belgisiz zattan ýlanǵandardyń barlyǵy - er adamdar.

Buǵan deıin habarlaǵanymyzdaı, Pavlodar oblysynda belgisiz zattan 7 adam ýlanyp, beseýi qaıtys boldy.

Ol týraly aqparatty oblystyq densaýlyq saqtaý basqarmasy taratty.

«Barlyǵy 7 adam zardap shekti. Onyń 3-i úıinde qaıtys boldy. Qalǵan 4 adam Ertis aýdandyq aýrýhanasyna jetkizildi» - degen edi atalǵan vedomstvodan.


Jańalyqtar

MURAǴAT