Pavlodarda alǵash ret omartashylar kýrsy ótti

NUR-SULTAN. QazAqparat - Kýrs oblys ortalyǵynda ornalasqan Qazaqstandaǵy tuńǵysh omarta sharýashylyǵy mýzeıinde uıymdastyryldy, dep habarlaıdy pavlodarnews.kz.

Uqsas jańalyqtar

SQO-da sharýa qojalyǵy baldyr ósirip, jemazyq retinde qoldanýda

Amerıkalyq «Valmont Industries» Qazaqstanda aldyńǵy qatarly sýarý júıeleri zaýytyn ashady Aqmola oblysynda úsh aýysymda oqytý máselesi birtindep sheshilýde Qazaqstanda maqta óńdeý uıymdarynyń qyzmetin lıtsenzııalaý alynyp tastalady

«Med Prıırtyshıa» aýyl sharýashylyǵy óndiristik kooperatıviniń tóraǵasy Sergeı Trofımovtiń aıtýynsha, bıyl alǵashqy bolyp 20 adam áýesqoı omartashy sertıfıkattaryn aldy.

- Biz olardy jumyspen qamtý ortalyǵy arqyly oqyttyq, - deıdi Sergeı Trofımov. - Jańa jyldan keıin olar bıznes josparlaryn jazyp, ara sharýashylyǵyn damytýǵa 250 myńnan 504 myńǵa deıin sýbsıdııa alýy tıis. Bul somaǵa omartashylyqpen aınalysýǵa kerek qural-jabydqtardy satyp alady. Oǵan qosa, bilim berý bólimimen kelissóz júrgizip, qala oqýshylary úshin murajaı boıynsha ekskýrsııa ótkizýdemiz. Omarta sharýashylyǵy – tabysty kásip kózi dep aıta alamyn. Sol sebepti oqýshylardyń mektep kezinen bastap osyndaı aýyl sharýashylyǵyna qyzyqqanyn qalaımyn.

«Med Prıırtyshıa» AShÓK Aımanov kóshesi, 43 mekenjaıy boıynsha ornalasqan. Muńda Qazaqstanda tek Almaty men Nur-Sultanda ǵana bar apıterapııa, ıaǵnı ara shaǵý ádisimen adamdardy emdeý kabıneti jumys jasaıdy. Sondaı-aq óńirimizdegi omarta sharýashylyǵynyń tarıhyn baıandaıtyn jádigerler men aqparat kórsetilgen mýzeı jáne «Medovaıa apteka» dúkeni ornalasqan.

- Dúkende jergilikti omartashylardyń shyǵarǵan baly bar muz kámpıtter, baldy alma, uıadaǵy bal jáne ózge de ónimder bar, - deıdi spıker. – Sonymen qatar, túrli terige arnalǵan ıismaılar satylady. Qazir halyq tabıǵı ónimdi joǵary baǵalaıdy. Sondyqtan suranys kóp. Jylyna 100 tonna bal óndiriledi. Qalada jergilikti bal ónimderi usynylǵan úsh dúńgirshekterimiz bar.

Aıta keteıik, «Med Prıırtyshıa» AShÓK jyljymaly pavılondardy ornatý úshin jer ýchaskesin jalǵa alýdy josparlap otyr.