Pavlodarda alǵash ret egizderdiń festıvali ótti
2022 jylǵy 3 shilde 22:31

Pavlodarda alǵash ret egizderdiń festıvali ótti

NUR-SULTAN. QazAqparat – Pavlodarda egizder men úshemderdiń erekshe otbasylyq merekesine úsh júzge jýyq adam qatysty, dep habarlaıdy Pavlodarnews.kz.

Qalalyq ishki saıasat bólimi basshysynyń m.a. Gúljan Apsalıkovanyń aıtýynsha, osyndaı erekshe sharany ótkizý týraly bastamany qala turǵyndary kótergen. Qalalyqtardyń ıdeıasyn ákimdik qoldady.

Merekege óte kishkentaı balalar da, eresek egizder de keldi. Festıvalge 23 jastaǵy Dastan men Dýman da qatysty. Aǵaıyndylardyń biri ekinshisinen 10 mınýt qana buryn týǵan.

– Aǵań seniń kóshirmeń sııaqty bolyp ómir súrý qyzyq. Aralasatyn tanystarymyz ártúrli. Sonyń saldarynan túsinispeýshilik týyndaıdy. Mysaly, meni ol dep nemese kerisinshe oılap, dostarymyz kóshede mán bermeı óttiń dep renjip jatady. Kózqarasymyz jıi sáıkes keledi. Men ózim úshin birdeńe alsam, ol úshin de alamyn. Iá, ómirde birdeńe oılar kezde men ózim úshin de, aǵam úshin de oılaımyn, - dedi Dýman.

Jas jigittiń aıtýynsha, oqý kezinde syńary ekeýi bir-birine uqsas bolǵanyn paıdalanǵan sátter bolǵan. Aǵasy ol úshin emtıhandy sátti tapsyrǵan. Alaıda, ekeýi ártúrli mamandyqtarda – biri qurylysshy, ekinshisi metallýrg mamandyǵynda oqyǵan.

Toǵyz jasar egizder Rýhan men Ámına talǵamdary bólek ekenin aıtty. Biri vokalmen aınalyssa, ekinshisi sýret salady. Túske degen súıispenshiligi bólek, minezderi de bólek deıdi.

Egizder festıvalin uıymdastyrýshylar merekeni qyzyqty ótkizýge tyrysty: olar anımatorlardy shaqyryp, kóbik keshin uıymdastyryp, balmuzdaq taratty. Ertis Promenade kontserttik alańynda qalanyń shyǵarmashylyq jáne balalar ujymdary óner kórsetti.

Uqsas jańalyqtar

Jańalyqtar

Úrdis

MURAǴAT