Pavlodarda adam qaǵyp, qashyp ketken júrgizýshi ustaldy
2021 jylǵy 5 jeltoqsan 10:12

Pavlodarda adam qaǵyp, qashyp ketken júrgizýshi ustaldy

PAVLODAR. QazAqparat - Pavlodarda adam qaǵyp, oqıǵa ornynan izin sýytqan júrgizýshi ustaldy. Avtokólik aıyp turaǵyna qoıyldy, dep habarlaıdy QazAqparat Pavlodarnews.kz saıtyna silteme jasap.

Oblystyq polıtsııa departamenti baspasóz qyzmetiniń málimetinshe, 24 qarashada saǵat 07.20-da Soltústik ónerkásip aımaǵynyń «Injenerııa ortalyǵy» aıaldamasynyń janynda «Folksvagen Golf» kóligi belgilenbegen jerden joldy kesip ótip bara jatqan 62 jastaǵy er adamdy qaǵyp ketken.

- Jol apatynan keıin júrgizýshi oqıǵa ornynan qashyp ketken. Jaıaý júrginshi aýrýhanaǵa jetkizildi, oǵan «túrli dene jaraqattary» dıagnozy qoıyldy, - dedi baspasóz qyzmetinde.

Qaǵyp ketken kólikti anyqtaý úshin polıtseıler jedel izdestirý sharalaryn júrgizdi. «Ustaý» josparyn engizip, kúdikti kólik júrgizýshisin ustady.

Qazirgi ýaqytta atalǵan faktige qatysty QR Qylmystyq kodeksi 345-babynyń 1-bóligi boıynsha sotqa deıingi tergeý amaldary júrgizilýde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT