+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Pavlodarda 400-ge jýyq adam qaıyrymdylyq marafonyna qatysty

2019 jylǵy 29 qyrkúıek 10:24
Bólisińiz:
Pavlodarda 400-ge jýyq adam qaıyrymdylyq marafonyna qatysty

PAVLODAR. QazAqparat - Barlyq jınalǵan qarajat Ekibastuz qalasynyń №17 orta mektebiniń matematıka jáne ınformatıka pániniń muǵalimi Baýyrjan Syrymbetovtyń shotyna kóz kórýin qalpyna keltirý operatsııasy úshin aýdaryldy, dep habarlaıdy QazAqparat pavlodarnews.kz silteme jasap.

Uqsas jańalyqtar
17 aptada - 17 marafon: Qazaqstandyqtar eldiń ár qalasynda 42 km júgirdi Túrkistanda memlekettik qyzmetshiler marafonǵa qatysty Tólebı aýdanynda «Marafon-2019» júgirý jarysy ótti

Esterińizge sala keteıik, otaǵa muqtaj áriptesine kómek kórsetýdi Facebook-tegi paraqshasynda óńirlik bilim basqarmasynyń basshysy Dinıslam Bolathanuly usyndy. Ekibastuzdyq pedagogty «Ertis - adaldyq alańy» jobalyq keńsesi men oblystyń sybaılas jemqorlyqqa qarsy qyzmeti qoldady.

Baýyrjan Syrymbetovke tolyq kórmeı qalý qaýpi tónip tur. Tórt bala ósirip otyrǵan úlken otbasynyń otaǵasy, ulaǵatty ustaz aýyr dertpen kúresýde. Oǵan birneshe ota jasaldy, biraq kóz kórýi qalpyna túspedi. Máskeýdegi «SPEKTR» oftalmologııalyq klınıkasynyń mamandary Baýyrjan Maratulyna «4-shi satydaǵy ekinshi termınaldyq glaýkoma» dıagnozyn qoıdy jáne ota jasaýǵa kelisti. Quny 580 myń rýbl turatyn otany jubaıy ǵana jumys isteıtin kópbalaly otbasynyń qaltasy kótermeıdi.


Pavlodarda qaıyrymdylyq marafonyna mektepter, kolledjder, JOO, oblystyq jáne qalalyq memlekettik mekemelerdiń ókilderinen turatyn 400-den astam adam shyqty. Jarys bastalmas buryn kóptegen adamdar qaıyrymdylyq jáshigine óz úlesin qosty.



- Osydan eki aı buryn biz Ekibastuz qalasynan oblys ortalyǵyna kóship keldik. Búgin jerlesimniń aýrýmen kúresý jolynda otbasymyzben qoldaý kórsetýdemiz. Búgingi kúni osynda júrgen barlyq adamdarǵa alǵys aıtamyz. Júgiriske anam men eki qyzymmen birge qatysamyn, - dedi oblystyq TJ departamentiniń ınjeneri Beısembaı Syzdyqov.

Sonymen qatar, «Jas Daryn» mektebiniń dene shynyqtyrý pániniń muǵalimi Maısa Túsipova áıelder arasynan birinshi bolyp márege jetti.


- Mektep ujymymen birge osy qaıyrymdylyq marafonyna qatysyp jatqanyma óte qýanyshtymyn, Ekibastuzdyq áriptesime tezirek saýyǵýdy tileımin, - deıdi Maısa Túsipova.

Aıta keteıik, «Jas Daryn» mektebiniń dene shynyqtyrý pániniń muǵalimi ár jyldary jeńil atletıka, qysqy jáne jazǵy kópsaıys boıynsha oblys jáne respýblıka chempıony jáne júldegeri atandy. Servıs jáne tamaqtandyrý kolledjiniń tárbıe isi jónindegi basshysynyń orynbasary Natalıa Pokıdovoıdyń aıtýynsha, osy oqý ornynyń ustazdary men stýdentteri 2,5 km qashyqtyqqa júgirgen.

Marafonnyń eń jas qatysýshysy - 2,5 jastaǵy Varvara Kýlebıakına, al eń úlkeni - 64 jastaǵy ıÝrıı Dordenko boldy. «Eń tatý otbasy» nomınatsııasyn Kýlıbıakın, Slıamov, Mıronov, Borambaev, Sývorov, Jaqsylyqov, Mahambetov, Syzdyqov, Ahmetovtar otbasy ıelendi.


Marafonda jınalǵan búkil qarajat Baýyrjan Syrymbetovtyń otbasyna tapsyryldy. Shara «Adal júrek» respýblıkalyq aktsııasy aıasynda uıymdastyryldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT