+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Pavlodarda 2 myńǵa jýyq adamnyń memlekettik tildi meńgerý deńgeıi tekseriledi

2019 jylǵy 28 qazan 19:14
Bólisińiz:
Pavlodarda 2 myńǵa jýyq adamnyń memlekettik tildi meńgerý deńgeıi tekseriledi

PAVLODAR. QazAqparat - S. Toraıǵyrov atyndaǵy Pavlodar memlekettik ýnıversıtetinde «Qaztest» júıesi boıynsha dıagnostıkalyq testileý ótýde, dep habarlaıdy pavlodarnews.kz.

Uqsas jańalyqtar
Tarazda latyn álipbıin úıretetin onlaın-baǵdarlama jasaldy Jarkentte memlekettik til máselesi talqylanǵan jıyn ótti Aqtoty Raıymqulova: Jańa álipbıge kóshý — qazaq tiliniń ómirsheńdigin arttyrady

Memlekettik tildi meńgerý deńgeıin tekserý boıynsha dıagnostıkalyq testileýdi 28 qazan - 1 qarasha aralyǵynda oblystyq mádenıet, tilderdi damytý jáne arhıv isi basqarmasy men QR Bilim jáne ǵylym mınıstrligi Ulttyq testileý ortalyǵy birlese uıymdastyrdy.

Oblystyq mádenıet, tilderdi damytý jáne arhıv isi basqarmasy basshysynyń orynbasary Sáýle Osmanovanyń aıtýynsha, «Qaztest» júıesi boıynsha testileýdiń birinshi kezeńi dıagnostıkalyq testileý bolsa, ekinshi kezeńi - qazaq tilin meńgerý deńgeılerin baǵalaýǵa arnalǵan sertıfıkattyq testileý. - Jalpy, aımaqta jyl saıyn atalmysh testileýdiń eki kezeńi de belsendi túrde uıymdastyrylýda, - deıdi Sáýle Osmanova. - Osy 5 kún ishinde testileýmen 2000-ǵa jýyq adamdy qamtý josparlanýda. Kún saıyn 400 adam óz deńgeılerin anyqtaı alady. Testileýge memlekettik qyzmetshiler, prokýratýra, sot, keden qyzmetkerleri jáne barlyq erikti adamdar qatysýda. Eger sertıfıkattyq testileýge qatysamyn deýshiler bolsa aqyly túrde ótýge múmkindikteri bar. Bıyl 100 adam sertıfıkattyq testileýge qatysýǵa nıet bildirdi. Onyń ishinde 55 adam Nazarbaev Zııatkerlik mektebiniń ustazdary jáne 45 adam KEGOC kompanııasynyń ókilderi. Testileý nátıjesi eki jumadan keıin belgili bolady. Ár mekeme basshylyǵyna qatysýshylardyń tizimi men jınaǵan upaılary jazylǵan hat jiberiledi.


QR Bilim jáne ǵylym mınıstrligi Ulttyq testileý ortalyǵynyń Qaztest júıesin damytý jónindegi basqarmasy testileýdi uıymdastyrý bóliminiń aǵa sarapshysy Nurbek Nurymbetov testileý 150 test tapsyrmasynyn turatynyn jáne 150 mınýt ýaqyt beriletinin aıtady. - Test suraqtary bes deńgeıge bólingen, bul – qarapaıym, bazalyq, orta, ortadan joǵary jáne joǵary, - deıdi aǵa sarapshy. - «Qaztest» bes jyldan astam ótkizilip keledi. Nátıjesinde kórsetkish jyl saıyn kóterilgeni baıqalady. Baǵdarlamanyń 2020 jylǵa deıin memlekettik tildi 85 %-ǵa deıin kóterý pýnkti boıynsha kórsetkishke jaqyndap kele jatyrmyz. Nurbek Nurymbetov Pavlodar oblysy testileýdi ótkizý, uıymdastyrý jaǵynan joǵarǵy deńgeıde, al kórsetkish boıynsha soltústik óńir bolǵandyqtan, ońtústik óńirlerine qaraǵanda tómenirek ekenin aıtady.

Aıta ketken jón, «Qaztest» júıesi halyqaralyq tildik bilimdi baǵalaýdyń TOEFL, IELTS, DALF/DELF, DSH, CELL, tömer, jáne t. b. júıeleriniń qaǵıdattaryna negizdelip jasalǵan.


Bizdiń kanalymyzǵa jazylyńyz:

Basty sózder: Pavlodar oblysy, Bilim, Til,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT