Pavlodar oblysynyń qolónershileri halyqaralyq saıttyń bazasyna engiziledi
2022 jylǵy 23 maýsym 23:46

Pavlodar oblysynyń qolónershileri halyqaralyq saıttyń bazasyna engiziledi

PAVLODAR. QazAqparat - Bul ulytaýlyq sheber restavrator Sársenbaı Qotyrashovtyń jaıaý saparynyń nátıjesinde múmkin bolmaq, dep habarlaıdy QazAqparat Pavlodarnews.kz saıtyna silteme jasap.

Sársenbaı Qotyrashov búgin Pavlodarǵa keldi. 72 jastaǵy sheber elimizdiń 17 óńirin jaıaý aralap shyǵýdy maqsat etken. Pavlodar oblysy ol taban tiregen toǵyzynshy óńir.

«Bul ıdeıany men burynnan oılap júrdim. Bul saparda meniń úsh maqsatym bar. Birinshiden, týǵan jerim Ulytaýdyń mádenı-tarıhı murasyn keńinen nasıhattasam, ekinshiden, qymyzdyń paıdaly qasıetterine jurtshylyq nazaryn aýdarǵym keledi. Onyń ústine ıÝNESKO-men kelisimim bar. Qazaqstandy aralap júrip, myńnan astam qolónershiler týraly málimet jınasam, olar jeke saıtqa enip, osylaısha dúnıe júzine tanymal bolady», – deıdi Sársenbaı Qotyrashov.

Ulytaýlyq aqsaqal bul saparyn sáýir aıynda bastaǵan. Osy ýaqyt ishinde ol bes jup aıaq kıim tozdyryp úlgergen. Biraq ol jaıaý júrginshiler joly oǵan qymbatqa túspegenine rıza. Qaı óńirge kelse de qushaq jaıa qarsy alyp, tamaqtandyryp, tegin qonatyn oryn usynady.

Sársenbaı Qotyrashovty saparynda jerlesi, depýtat Baqtııar Qojahmetov alyp júredi.

«Saparyn aıaqtaǵan soń Sársenbaı Prezıdenttiń qabyldaýyna kirip, qymyzdyń emdik qasıetin dáleldep, sonymen qatar qymyz kúnin resmı mereke retinde belgileýdi usynbaq», – dedi Baqtııar Qojahmetov.

Aıta keteıik, Sársenbaı Qotyrashov saparynyń qorytyndysy boıynsha kitap shyǵarýdy josparlap otyr.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT