Pavlodar oblysynyń ákimi qańtar oqıǵasynan keıingi jańa baǵdarlama týraly aıtty
2022 jylǵy 28 maýsym 17:16

Pavlodar oblysynyń ákimi qańtar oqıǵasynan keıingi jańa baǵdarlama týraly aıtty

NUR-SULTAN. QazAqparat - Qańtar oqıǵalarynan keıin Pavlodar oblysynda 2022 jylǵa arnalǵan jańa is-qımyl baǵdarlamasy ázirlendi. Bul týraly atalǵan óńirdiń ákimi Ábilqaıyr Sqaqov aıtty, dep habarlaıdy QazAqparat tilshisi.

«Qańtardaǵy oqıǵalar birlesip sheshim qabyldaýǵa baǵyttady. Keń talqylaý men kópshiliktiń daýysy óte mańyzdy ekenine kózimiz jetti. Sondyqtan biz eski josparlarymyzdy artqa tastap, jańa baǵdarlamaǵa usynystar qabyldaı bastadyq. Oblystyń turǵyndary osyǵan belsendi qatysty. Aqsaqaldar, jastar, qoǵam ókilderi, mıtıngige qatysqandar jáne basqa da azamattar óz pikirlerin bildirip, biz olardyń usynystaryna barynsha ashyq bolýǵa tyrystyq», - dedi Á. Sqaqov Ortalyq kommýnıkatsııalar qyzmetinde.

Osy oraıda ol tek bir aptanyń ózinde ákimdik 2,5 myńǵa jýyq ótinish pen usynys qabyldaǵanyn aıtty.

«Olardyń 60 paıyzǵa jýyǵy jumyspen qamtý jáne jastar máselelerine qatysty boldy. Kelip túsken usynystardy muqııat taldap biz 150-ge jýyq adam jınalǵan eki strategııalyq sessııa ótkizdik. Oǵan ár jastaǵy adamdar, qalalar men aýyldardan kelgen azamattar belsendi qatysty. 5 qańtar kúni alańda bolǵan adamdar da shaqyrtyldy.

«Jalpy talqylaýdyń nátıjesinde 2022 jylǵa arnalǵan Іs-qımyl baǵdarlamasy daıarlandy. Bul óz kezeginde naqty maqsattar men problemalarǵa qatysty iske asyrylatyn jumystardy qamtydy. ıAǵnı, 5 myń jumyssyz jasty eńbekpen qamtý, 12 myń mektep oqýshysynyń belsendi demalysyna jaǵdaı jasaý jáne basqa da máselelep eskerildi», - dedi oblys ákimi.

Onyń sózine qaraǵanda, qazirgi kezde Pavlodar oblysynyń 6 myńǵa jýyq turǵyny jańa baǵdarlama iske asyryla bastaǵannan beri turaqty jáne ýaqytsha jumysqa ornalastyryldy.

Budan buryn habarlanǵandaı, Pavlodarda emhanalardyń jumysyn qaıta qurý júrip jatyr.


Uqsas jańalyqtar

Jańalyqtar

Úrdis

MURAǴAT