+7 (701) 759 90 19 Lenta
USD 385.96 EUR 423.78
RUB 6.03 CNY 54.16
Jańalyqtar

Pavlodar oblysynyń ákimi Bilim basqarmasynyń basshysyna sógis jarııalady

2019 jylǵy 21 tamyz 22:28
Bólisińiz:
Pavlodar oblysynyń ákimi Bilim basqarmasynyń basshysyna sógis jarııalady

PAVLODAR. QazAqparat – Pavlodar oblysynyń ákimi Bolat Baqaýov eki jyl ishinde tehnıkalyq jáne kásibı bilim berý júıesi tıimdiligin joǵaltqanyn, al óńirdegi agrarlyq-tehnıkalyq kolledjder burynǵysha eńbek naryǵynda qajetsiz mamandardy daıarlap jatqanyn aıtty, dep habarlaıdy QazAqparat pavlodarnews.kz saıtyna silteme jasap.

Uqsas jańalyqtar

Oblys ákimdikte ótken keńeste tehnıkalyq jáne kásibı bilim berý júıesin transformatsııalaý jónindegi jumys týraly Bilim berý basqarmasynyń basshysy Dinıslam Bolathanuly baıandady. Eger, 2018 jyldyń basynda TjáneKB uıymdarynyń júıesinde 51 nysan bolsa, qazirgi kezde 44 kolledj jumys jasaıdy. Olardyń 29-y memleket menshiginde. Kolledjderdegi mamandyqtar sany 148-den 162-ge artyp, jańa 15 mamandyq ashyldy. Alaıda, orta bilim berý uıymdarynyń jumysyndaǵy negizgi qıyndyq kásibı baǵyttaýǵa baılanysty bolyp otyr.


«Men naryqta suranysqa ıe jańa mamandyqtar men kásipterdi engizý týraly talaı ret tapsyrma berdim. Mamyr aıynan bastap maǵan suranystan shyqqan mamandyqtar kórsetilgen memlekettik bilim berý tapsyrystaryn bekitý týraly qaýlylardy qol qoıýǵa ákep júr. Bul mamandyqtarda oqyǵan túlekter jumysqa tura almaıdy! Máselen, jaqynda ǵana respýblıkalyq basylymdardyń birinde elimiz boıynsha suranysqa ıe mamandyqtar kórsetilgen maqala jarııalandy. Ol mamandyqtardyń qatarynda aspazdar, tehnıkter, tehnologtar, kondıterler bar. Biz bolsaq jyl saıyn bir oqýshyǵa 1,2 mıllıon teńge kóleminde qarjy jumsap, osy mamandyqtar boıynsha bıýdjettik qarajat bólemiz. Máselen, bıylǵy jyly Ýspen agrarlyq-tehnıkalyq kolledjinde 15 kondıter daıarlaýǵa memlekettik tapsyrys bóldik. Kolledjdiń kondıterlerdi daıarlaýǵa qaýqary jete me? Sonda, biz qandaı kondıterler daıarlap shyǵaramyz?», - dedi aımaq basshysy.


Oblys ákimi aýdandarda ornalasqan agrarlyq-tehnıkalyq kolledjderge erekshe nazar aýdardy. Tekseris kórsetkendeı, kolledjderdiń kóbi óz túlekteriniń jumysqa ornalasqany týraly jalań esep beredi. Al, túlekterdiń tipti zeınetaqy shottary da joq. ıAǵnı, olar mindetti zeınetaqy aýdarymdaryn almaıdy degen sóz. Sonymen qatar, aýyldyq kolledjderdegi ákimshilik jáne qyzmet kórsetý personalynyń shtat kestesi ekonomıkalyq turǵydan tıimsiz. Mysaly, 40 jatyn orynǵa laıyqtalǵan Aqqýly aýdanyndaǵy jataqhanada tizim boıynsha 25 oqýshy bar. Al tekseris kezinde munda 7 stýdent qana bar ekendigi anyqtaldy. Sondaı-aq jataqhana shtaty boıynsha munda meńgerýshi, jataqhana boıynsha kezekshi, sheberhana meńgerýshisi, qural-jabdyqtar ınjeneri jáne basqa da jumyskerler qyzmet etedi.

Aıta ketý kerek, segiz oqý mekemesin bir oqý ornyna biriktirý týraly tapsyrmadan keıin Krasnoarmeıka kolledjine Baıanaýyl, Maı jáne Aqqýly aýdanynyń kolledjderi ǵana biriktirildi. Bolat Baqaýov jaýapty tulǵalar bul qadamǵa osy úsh kolledjdi jappaý úshin ǵana bardy dep esepteıdi.


«11 myń adam ǵana turatyn Maı aýdanyndaǵy kolledjde kimderdi oqytyp jatyrmyz? Bul kolledjde qarjynyń kóp bóligi oqytýshylardyń eńbekaqysy men kómir satyp alýǵa jumsalady. Bilim berý basqarmasy eki jyl boıy TjáneKB uıymdaryn ońtaılandyrýmen aınalysyp, osy ýaqytqa deıin túk bitirmegen. Bilim berý basqarmasynyń basshysyna áreketsizdigi men tapsyrmalardy oryndamaǵany úshin sógis jarııalaımyn», - dedi B.Baqaýov.

Taǵy da bir úlken másele – kásibı baǵyttaý jumysynyń júrgizilmeýi. Ákimniń aıtýynsha, bul baǵyttaǵy jumys múldem júrgizilmeıdi.

«Jumys saparymnyń birinde Shiderti kentinde bolyp, toǵyzynshy synyp oqýshylarymen kezdestim. «Qaıda oqýǵa túsesińder?» dep suraǵanymda 12 oqýshynyń bári birdeı Reseıde temirjolshy mamandyǵyn alǵysy keletinderin aıtty. Shidertide Q. Sátbaev atyndaǵy kanal aǵyp jatyr. Bizge sý resýrstary boıynsha mamandar, gıdromelıoratorlar jetispeıdi. Aýyl sharýashylyǵynda bilikti agronomdar, zootehnıkter, gıdrotehnıkter joq. Al ózimizdiń balalar týǵan jerinde oqyǵysy kelmeıdi. Nege? Óıtkeni olardy kásibı baǵyttaýmen eshkim aınalyspaıdy», - dedi ol.

Aımaq basshysy agrarlyq-tehnıkalyq kolledjderdi ońtaılandyrý jáne kásibı baǵyttaý máselesin tamyzdaǵy pedagogıkalyq konferentsııada kóterýge ýáde berdi. Sonymen qatar, ol bul máselemen jergilikti ákimderdiń orynbasarlary, sondaı-aq qalalyq jáne aýdandyq depýtattardyń da aınalysýyn talap etti.




Bizdiń kanalymyzǵa jazylyńyz:

Basty sózder: Pavlodar oblysy, Ákim, Bilim, Aımaq,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT