+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Pavlodar oblysyndaǵy tsıfrlyq jobalar jemqorlyqtyń aldyn alýǵa kómektesýde

2020 jylǵy 13 tamyz 13:13
Bólisińiz:
Pavlodar oblysyndaǵy tsıfrlyq jobalar jemqorlyqtyń aldyn alýǵa kómektesýde

NUR-SULTAN. QazAqparat - Pavlodar oblysynda júzege asyp jatqan tsıfrlyq jobalar jemqorlyqpen kúreste qalaı kómektesip jatqany týraly «AntikorLive» jobasynyń tikeleı efırinde aıtyldy, dep habarlaıdy QazAqparat tilshisi.

Uqsas jańalyqtar
Baǵdat Mýsın EGOV satylady degen qaýesetke qatysty túsinikteme berdi Depýtat Sberbankpen tsıfrlyq úkimet platformasyn qurý týraly kelisimge alańdaýshylyq tanytty Qazaqstandyqtar memlekettik qyzmettiń sapasyna qanshalyqty baǵa beredi

«Tájirıbe kórsetkendeı, tsıfrlyq jobalar jemqorlyqtyń bolýynyń aldyn alady jáne sapaly memlekettik qyzmet kórsetýge yqpal etedi. Ózim kóbinese áleýmettik salada jumys isteıtindikten, bir mysal keltire keteıin. Oblysymyzda «Elektrondyq balabaqsha« jobasy júzege asýda. Bul - balabaqshaǵa kezekke turý, balabaqshaǵa joldama berý sııaqty memlekettik qyzmet túrleriniń elektrondyq formatqa kóshýi. Sondaı-aq, «Elektrondyq mektep« jobasy da iske asýda», - deıdi Pavlodar oblysy ákiminiń orynbasary Aızada Qurmanova.

Ol tsıfrlyq jobalar jemqorlyqpen kúreste qalaı kómektesetinin aıtty.

«Nátıjege keler bolsaq, bir ǵana joba sııaqty, biraq jaǵdaıdyń ózgerýine úlken yqpal etýde. Birinshiden, barlyq balabaqshadaǵy balalar men balabaqsha qyzmetkerleri JSN boıynsha tekseriledi. Balalardy balabaqshaǵa júıeden tys tirkeý boıynsha jemqorlyq táýekeli joıylady. Sáıkesinshe, biz osy júıe negizinde tólenetin memlekettik tapsyrysty baqylaýda ustaı alamyz. Balalar týraly málimetterge qatysty barlyq esepti júıege bólim qyzmetkeri júkteıdi. Balabaqshada jumys isteıtinderdi mazalamaımyz, sondyqtan olardyń jumysy da jeńildeıdi. Ata-analar da joldama alý úshin balabaqshaǵa barmaıdy. Sondaı-aq, Pavlodarda balabaqshadan balaǵa oryndy aldyn ala alyp qoıý júıesi iske qosyldy. Bul shara medıtsınalyq mekemege anyqtama alýǵa keletinder qansha bolatynyn aldyn ala bilip otyrýǵa múmkindik berdi», - deıdi ol.

Onyń aıtýynsha, bári ashyq túrde bolǵan kezde turǵyndar tarapynan shaǵym az túsedi.

«Tsıfrlyq jobanyń taǵy bir artyqshylyǵy - turǵyndar tarapynan shaǵym azaıa bastady. Bári ashyq túrde bolǵan kezde qyzmetkerler aıla-sharǵy qoldandy degen kúdikpen qaramaısyń. Bıyl 109 biryńǵaı baılanys qyzmeti iske qosyldy. Bul qyzmet turǵyndardyń suraǵyn tirkep, birden jaýap beredi. Osylaısha, turǵynnyń shaǵymy qaı deńgeıde qaralyp jatqanyn birden bilemiz», - deıdi Aızada Qurmanova.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT