Pavlodar oblysynda jibekqurttar jaýlaǵan aýmaq ulǵaıyp jatyr
2022 jylǵy 21 maýsym 07:30

Pavlodar oblysynda jibekqurttar jaýlaǵan aýmaq ulǵaıyp jatyr

PAVLODAR. QazAqparat - Óńirde syńar jibek qurttar qaptaǵan aýmaq 26,5 myń gektarǵa jetti, dep habarlaıdy QazAqparat.

Pavlodar blystyq jer qoınaýyn paıdalaný, qorshaǵan orta jáne sý resýrstary basqarmasynyń málimetinshe, jibekqurttar Aqqýly, Pavlodar, Tereńkól, Ertis, Jelezın aýdandarynda anyqtalǵan. Eń kóbi Jelezın (14 328 ga) men Tereńkól (11 164 ga) aýdandarynda baıqaldy.

«Qazirgi ýaqytta orman kúzetimen orman aǵashtaryna monıtorıng jasaldy. Materıaldar respýblıkalyq orman selektsııalyq-tuqym ortalyǵyna jiberildi. Ormannyń osy zııankesterimen kúresý úshin qandaı sharalar qoldaný kerektigin anyqtaý jáne respýblıkalyq bıýdjetten qarjylandyrý kólemin belgileý úshin orman patology mamanymen ýchaskelerdi zertteý jumystary josparlanýda, - dedi basqarmadan.

Orman patology qazir «Ertis ormany» rezervatynda. Ol qurttyń túrin anyqtap, joǵaryda atalǵan zertteýlerdi júrgizedi.

«Ótken jyly jibekqurttar boldy. Biraq olar ózdiginen joıyldy. Byltyr juldyzdy shybyn toqymashy basym boldy. Sondyqtan bıylǵy bıýdjetten tek «Ertis ormanyna» ǵana qarjy bólindi. Óıtkeni ol jerde taspa shoqqaraǵaı sııaqty erekshe aǵashtar bar«, - dedi basqarmadan.

Ormandaǵy sanıtarlyq erejelerge sáıkes ormannyń asa qaýipti zııankesteri men aýrýlarynyń oshaqtary 1000 gektardan astam memlekettik orman qorynyń aýmaǵynda taralǵan jaǵdaıda olardy joıý jónindegi is-sharalardy orman sharýashylyǵynyń mamandandyrylǵan uıymy uıymdastyrady. Respýblıkalyq bıýdjet qarajaty esebinen ormannyń zııankesteri men aýrýlaryna qarsy kúres júrgiziledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT