+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Pavlodar oblysynda Jastar jyly qorytyndylandy

2019 jylǵy 31 jeltoqsan 20:52
Bólisińiz:
Pavlodar oblysynda Jastar jyly qorytyndylandy

PAVLODAR. QazAqparat – Qaladaǵy Investorlar úıinde ótken Jastar jylynyń jabylýy saltanatyna aýyl, shyǵarmashylyq, sport jastarynyń ókilderi, jastar uıymdarynyń basshylary, jastar arasyndaǵy qoǵamdyq pikir kóshbasshylary, kásipkerler, memlekettik qyzmetkerler, jas depýtattar jáne memlekettik organdardyń basshylary qatysty, dep habarlaıdy

Uqsas jańalyqtar
Túrkistan jastaryna 1 mlrd teńgeden astam grant berildi Almatyda Jastar jyly qorytyndylandy Dáýren Abaev: Jastar jylynyń aıaqtalýy – jastar máselesiniń keıinge ysyrylǵanyn bildirmeıdi

«Byltyr, 5 qazanda Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýynda 2019 jyldy Jastar jyly dep jarııalady» - dedi aımaq basshysy Bolat Baqaýov saltanatty shara barysynda. «Aǵymdaǵy jyly jastardy jigerlendiretin birshama jumystar men is-sharalar júzege asyryldy. Jalpy meniń oıymsha, bul jyl Pavlodar oblysy jastaryna óte jemisti boldy, keler jyly da osydan tabysty bolatynyna senimdimin».

Oblys ákiminiń orynbasary Ashat Oralovtyń aıtýynsha, óńirde bir jyl ishinde NEET , ıaǵnı bilimsiz, jumyssyz jáne biliktiligin arttyrmaıtyn jastar úlesi tómendedi. Ótken jyldyń úshinshi toqsanymen salystyrǵanda sany 0,4 paıyzǵa azaıyp, 6270 adamdy quraǵan.

«Óńirde 14-29 jas aralyǵyndaǵy 163 045 adam ómir súredi. NEET úlesi boıynsha oblys respýblıkalyq reıtıngte besinshi orynǵa ıe»,- deıdi Ashat Oralov.

2019 jyly ótkizilgen jáne oblysta josparlanǵan barlyq is - sharalar tabysty áleýmettendirýdi júzege asyrýǵa jáne óńirdiń barlyq sanattaǵy jastardyń áleýetin arttyrýǵa, NEET úlesi men jastar jumyssyzdyǵyn azaıtýǵa baǵyttalǵan. Jastar jylynda 851 pavlodarlyq «Jas kásipker» jobasy boıynsha kásipkerlik negizderin oqydy. 583 turǵyn óz bıznesin ashý úshin jarty mıllıon teńge grant aldy. «Jas sheber» jobasy boıynsha aımaqtyń 1017 turǵyny kásipker atandy. Joba boıynsha óńirdiń barlyq aýyldyq okrýgterinde barlyǵy 15 adamdy qamtydy. Sondaı-aq bıylǵy jyly «Eńbek» memlekettik baǵdarlamasy boıynsha 18 981 jańa jumys orny, onyń ishinde 9 118 turaqty jumys orny ashyldy. Oǵan qosa, Pavlodar oblysynda sońǵy úsh jylda «Dıplommen – aýylǵa!» baǵdarlamasy boıynsha 2225 maman aýylǵa barǵan. Onyń ishinde, kóterme járdemaqy túrinde áleýmettik qoldaý sharalaryn 1278 adam paıdalansa, turǵyn úı satyp alýǵa 871 maman nesıe aldy. Osyǵan oraı, aýyldyq aýmaqtardyń kadrlyq áleýetin qajetti eńbek resýrstarymen – bilim berý, densaýlyq saqtaý, mádenıet, sport, áleýmettik sala jáne agroónerkásiptik keshen salasyndaǵy jas mamandarmen kúsheıtý maqsatynda Respýblıkada «Dıplommen – aýylǵa!» baǵdarlamasy júzege asty. Suranysqa ıe, qoǵamǵa paıdaly baǵdarlamanyń jarqyn ókilderiniń biri, jas ákim – Azıza Ibraeva. «Oqýymdy aıaqtaǵan soń, «Dıplommen – aýylǵa!» baǵdarlamasy boıynsha men óz mektebime qaıtyp oraldym. Jas mamandarǵa aýyldyq jerge kelý úshin kóterme járdemaqy tóleý men turǵyn úı alý múmkindigi usynylady. Aýyldyq jerlerde turǵyn úı salý nemese satyp alý úshin 0,01 paıyzben 15 jyl merzimge 3,7 mıllıon teńgege nesıe somasy bólinedi. Bul jas mamandar úshin memleket tarapynan jaqsy qoldaý dep oılaımyn»,-deıdi ol.

Jas ákim 2017 jyly túrli salalardaǵy biraz tájirıbeden keıin 27 jasynda Jelezın aýdanynyń Qazaqstan aýyldyq okrýginiń ákimi bolyp saılanǵanyn atap ótti.

Aıta keteıik, búginde Qazaqstan aýyldyq okrýginiń quramyna úsh eldi meken kiredi. Jalpy 1200 adam turady. Jańajuldyz aýyly - Jelezın aýdanynyń bolashaǵy zor tirek aýyldarynyń biri. Okrýg qunarly topyraqpen jáne eńbekqor adamdarmen tanymal. Óńir basshysy Bolat Baqaýov 2020 jyly Eriktiler jyly dep jarııalanǵanyn eske salyp,kómekke muqtaj adamdarǵa jaýapkershilikpen qaraýǵa jáne odan da kóp jaqsylyq jasaýǵa shaqyrdy.
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT