Pavlodar oblysynda shaǵyn jáne orta kásipkerlik sýbektileriniń sany 46,4 myńǵa jetti

PAVLODAR. QazAqparat - Pavlodar oblysynda jumys istep turǵan shaǵyn jáne orta kásipkerlik sýbektileriniń sany 46,4 myńǵa jetti, dep habarlaıdy pavlodarnews.kz.

Bul týraly Pavlodar oblysynyń statıstıka departamenti málim etti. - 2019 jylǵy 1 qazanǵa jumys istep turǵan shaǵyn jáne orta kásipkerlik sýbektileriniń sany 2018 jyldyń sáıkes kezeńimen salystyrǵanda 7,1 paıyzǵa ulǵaıdy jáne 46,4 myń birlikti qurady, - dedi departamentte. – Onyń ishinde: 9,9 myń – zańdy tulǵalar, 33 myń – jeke kásipkerler, 3,5 myń – sharýa nemese fermerlik qojalyqtar. 2019 jylǵy 1 shildege shaǵyn jáne orta kásipkerlikte jumyspen qamtylǵandardyń sany 3,5 paıyzǵa ósti jáne 135 myń adamǵa jetti.

Aıta keteıik, 2019 jylǵy qańtar-maýsymdaǵy shaǵyn jáne orta kásipkerliktiń sýbektilerimen ónim (taýar jáne qyzmet) shyǵarý (salystyrmaly baǵada) 24,3 paıyzǵa ulǵaıdy jáne 351,5 mlrd teńgege jetti. Respýblıkanyń ónim (taýar jáne qyzmet) shyǵarýdaǵy oblystyń úles salmaǵy 2,8 paıyzdy qurady.