+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Pavlodar oblysynda qıyn jaǵdaıǵa tap bolǵan 200 azamat jumysqa turdy

2020 jylǵy 21 qańtar 21:43
Bólisińiz:
Pavlodar oblysynda qıyn jaǵdaıǵa tap bolǵan 200 azamat jumysqa turdy

NUR-SULTAN. QazAqparat - Óńirlik áleýmettendirý ortalyqtaryna memleketten 180 mıllıon teńge bólinedi, dep habarlaıdy pavlodarnews.kz.

Uqsas jańalyqtar
Túrkistanda «Kedergisiz keleshek» jobasy jandanady

Oblys ákiminiń baspasóz qyzmeti habarlaǵandaı, bul qarajat eń aldymen áleýmettik qyzmetter kórsetýge baǵyttalady.

Pavlodar oblysynyń úsh qalasynda qıyn ómirlik jaǵdaıǵa tap bolǵan jandarǵa kómek kórsetetin áleýmettendirý ortalyqtary qyzmet etedi. Ortalyqtardyń bireýi memlekettik-jekeshelik áriptestik sheńberinde jumys isteıdi.

Ortalyqtardyń dırektorlarynyń aıtýynsha, olarǵa keletin jandardyń bári birdeı jumys istegisi kelmeıdi. Bul olardyń densaýlyqtarynyń nasharlyǵyna jáne qujattarynyń bolmaýyna baılanysty. Oblys ortalyǵynda ótken jyly turaqty jumys oryndaryna 88 adam ornalastyryldy.

- Bizdiń ortalyq 220 jatyn orynǵa arnalǵan, - deıdi Pavlodar qalalyq áleýmettendirý ortalyǵynyń dırektory Janbolat Nurymov. – Qazir munda 160 adam turyp jatyr. Jumysqa ornalasý kezinde biz olarǵa tolyqtaı qoldaý kórsetemiz. ıAǵnı, medıtsınalyq komıssııadan ótý, qujattaryn qalpyna keltirý, bos oryndar jármeńkesine barý kezinde járdemdesemiz. Joǵalǵan qujattardy qalpyna keltirý uzaq ýaqyt alady.

Keıbir azamattardyń pasporttary burynǵy keńestik úlgidegi eski qujattar. Olardy qalpyna keltirý úshin aıyppuldar tóleý qajet, al, mundaǵy adamdardyń olardy tóleýge qarajaty joq.

Ádette ortalyqtyń kómegine buryn bostandyq shekteý oryndarynda otyrǵandar, nashaqorlar, ishimdikke salynǵan, aqyl-esinen aýysqan jáne úısiz-kúısiz júrgen jandar júginedi. Dırektordyń aıtýynsha, ortalyqqa keı adamdardy áleýmettik patrýl ákelse, keıbireýleri óz aıaǵymen keledi.

- Ortalyqta olardy adam qalpyna keltiremiz, keıde jańa keıipke túsken jandardy ózimiz de tanymaı qalamyz, - deıdi Janbolat Nurymov. – Ortalyqta olar bir jylǵa deıin jata alady, shet eldikter men ózge qalalardyń turǵyndaryna bir aı ǵana turýǵa ruqsat beriledi. Ortalyqta bekitilgen tártipti buzsa, olardy shyǵaryp tastaýǵa májbúr bolamyz. Zeınet jasyna jetken jáne múgedek adamdardy qarttar úıine jiberemiz.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT