Pavlodar oblysynda birqatar kadrlyq aýys-túıis boldy
PAVLODAR. QazAqparat – Pavlolar oblysynyń ákimi Asaıyn Baıhanov keńeıtilgen apparattyq keńeste memlekettik organdardyń jańa basshylaryn tanystyrdy, dep habarlaıdy QazAqparat ákimdikke silteme jasap.
Murat Qabyljaparuly Hamıtov Pavlodar oblysy jer qatynastary basqarmasynyń basshysy bolyp taǵaıyndaldy.
Murat Hamıtov 1963 jyly týǵan. R. Rýdenko atyndaǵy Eńbek Qyzyl Tý Ordeniniń Sverdlov zań ınstıtýtyn, Qazaqstan ınnovatsııalyq ýnıversıtetin bitirgen. Eńbek jolyn 1983 jyly Pavlodar oblystyq atqarý komıtetiniń Іshki ister qyzmetinen bastaǵan. 1990-2018 jyldary Pavlodar oblysynyń prokýratýrasynda jumys istedi. 2018 jyldan bastap óńirdiń memlekettik organdarynda túrli basshylyq qyzmetter atqardy. Osy laýazymǵa taǵaıyndalǵanǵa deıin Pavlodar oblysy jer qatynastary basqarmasynyń Memlekettik qyzmet kórsetý jáne quqyqtyq jumys bóliminiń basshysy bolyp jumys istedi.
Pavlodar oblysynyń mádenıet, tilderdi damytý jáne arhıv isi basqarmasyn Medet Alpysbaıuly Taýasqan basqarady.
Medet Taýasqan 1986 jyly týǵan, Pavlodar memlekettik pedagogıkalyq ınstıtýtyn «Qazaq tili men ádebıeti» mamandyǵy boıynsha bitirgen. 2008 jyldan 2018 jylǵa deıin Ýspen aýdanynyń demalys ortalyǵynyń túrli laýazymdarynda jumys istedi. 2018 jyldan 2019 jylǵa deıin Ýspen aýdanynyń mádenıet, tilderdi damytý, dene shynyqtyrý jáne sport bólimin basqardy. Osy laýazymǵa taǵaıyndalǵanǵa deıin 2021 jyldan bastap Pavlodar oblysynyń mádenıet, tilderdi damytý jáne arhıv isi basqarmasy basshysynyń orynbasary bolyp jumys istedi.
Sondaı-aq, QR Ekologııa jáne tabıǵı resýrstar mınıstrligi apparaty basshysynyń buıryǵymen Pavlodar oblysy boıynsha ekologııa departamentiniń basshysy bolyp Qanat Jantuıaquly Musaparbekov taǵaıyndaldy.
Qanat Jantuıaquly 1963 jyly týǵan, Semeı et jáne sút ónerkásibi tehnologııalyq ınstıtýtyn, Qazaq memlekettik ekonomıkalyq ýnıversıtetin «Ekonomıka jáne óndiristi basqarý» mamandyǵy boıynsha bitirgen. Ár jyldary memlekettik qyzmette túrli laýazymdarda jumys istedi. Osy taǵaıyndaýǵa deıin Qaraǵandy oblysy boıynsha ekologııa departamentin basqardy.
Asaıyn Baıhanov jańadan taǵaıyndalǵan basshylardy quttyqtap, jańa laýazymdaǵy maqsattar men mindetterdi tıisti deńgeıde oryndaıtynyna senim bildirdi. Pavlodar oblysy ákiminiń baspasóz qyzmeti
Foto: t.me/baspasozpvl
