Pavlodar oblysynda barymtashylar ustaldy

PAVLODAR. QazAqparat – Ustalǵan barymtashylar endi 1 qańtardan bastap zańǵa engizilgen ózgeriske sáıkes, qatań jazalanady, dep habarlaıdy QazAqparat Pavlodar oblystyq Polıtsııa departamentiniń baspasóz qyzmetine silteme jasap.

Uqsas jańalyqtar

Almaty oblysynda 60-qa jýyq mal urlaǵan qylmystyq top ustaldy

Aqtóbede bir otar qoı urlap, soıyp alǵan top ustaldy Qazalyda mal urlaǵan áıelder qolǵa tústi Almaty oblysynyń aýmaǵynda mal jáne et ónimderin tasymaldaýǵa baqylaý kúsheıtildi

Qazaqstanda 1 qańtardan bastap «turǵyn úıge, qyzmettik nemese óndiristik mekemege, qoımaǵa nemese kólikke zańsyz kirý» jaǵdaıy qylmystyń aýyr sanatyna aýystyrylǵan bolatyn.

«2020 jyldyń 13 qańtarynda Pavlodar qalasynda aýladan belgisiz adamdar eki jylqyny urlap ketkendigi týraly polıtsııaǵa habar tústi. Iesi jylqylardy 1 mln teńgege baǵalaǵan. Kúdiktiler kóp uzamaı ustaldy. Jylqylar ıesine qaıtaryldy. Belgili bolǵandaı, 25-30 jastaǵy Pavlodardyń úsh turǵyny túnde aýlaǵa zańsyz kirip, urlyqqa barǵan. Kúdiktilerdiń biri osy sharýashylyqta jumys istegen», - dep habarlaıdy departamentten.

Urlanǵan maldy ustalǵandar soıyp, satpaq bolǵan kórinedi. Alaıda tártip saqshylary qylmysynyń jolyn kesip úlgergen.

Aıta ketsek, bıyldan bastap Qazaqstanda mal urlyǵy úshin qandaı jazalar engizilgeni buǵan deıin habarlanǵan bolatyn. Eń aldymen, QR Qylmystyq kodeksinde mal urlyǵy boıynsha arnaıy bap (188-1) engizildi. Bapta qylmystyń 4 quramy kórsetilgen. Ózgeniń malyn urlaý qylmysy úshin 5 jylǵa deıin bas bostandyǵynan aıyrý jáne múlkin tárkileý jazasy kózdelgen. Al arnaıy toppen uıymdasyp, asa iri kólemde (500 AEK) jasalǵan qylmys úshin 3-7 jylǵa deıin bas bostandyǵynan aıyrý, múlkin tárkileý jazasy qarastyrylǵan jáne taraptardyń ymyralasýyna tyıym salynady. https://www.inform.kz/qz/kazakstanda-mal-urlygy-ushin-kanday-zhazalar-engizildi_a3601820