+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Pavlodar oblysynda azyq-túlik baǵalarynyń turaqty monıtorıngi júrgizilýde

2020 jylǵy 14 naýryz 15:26
Bólisińiz:
Pavlodar oblysynda azyq-túlik baǵalarynyń turaqty monıtorıngi júrgizilýde

PAVLODAR. QazAqparat - Pavlodar oblysynyń ákimi Ábilqaıyr Sqaqov óńirdiń azyq-túlik taýarlaryn jetkizýshilerimen jáne kóterme-bólshek satýshylarymen kezdesti, dep habarlaıdy pavlodarnews.kz.

Oblys ákimi baspasóz qyzmetiniń málimdeýinshe, jumys keńesine Small, iNMART, Greenwich, «Lıder» saýda jelileriniń, kóterme-bólshek saýda naryqtarynyń jáne azyq-túlik ónimderin jetkizýshi kompanııalardyń 30-dan astam ókili qatysty. Atalmysh saýda oryndaryna oblystyń azyq-túlik naryǵynyń 65% – y tıesili. Olar sońǵy kúnderi satyp alýshylar sanynyń shamaly ǵana óskenin atap ótti. – Satyp alýshylardyń azdap artýyn biz ádette aıdyń basynda beriletin eńbekaqy alýmen baılanystyramyz, – dep málim etti Greenwich saýda jelisiniń ókili Tatıana Ýsova. – Búginde qantty sál kóbirek satyp alýda, biraq jalpy satyp alý kólemi burynǵy deńgeıde. – Bizdiń sýpermarketterdegi ortasha chek 8% – ǵa ósti, biraq bul kórsetkish aqpanmen salystyrǵanda naýryz aıynda únemi ósip turady, – dedi iNMART saýda jelisiniń ókili Qýandyq Qosymov. – Bizdiń jeli boıynsha satyp alýshylar sanynyń artýy joq. Azyq-túlik jetkizýshileri men kóterme saýda oryndarynyń qory bir aıdan úsh aıǵa deıingi merzimge eseptelgen. Sonymen qatar, naryqtyń iri qatysýshylarynyń azyq-túlik jetkizýge arnalǵan qoldanystaǵy kelisimsharttary bar.

Ábilqaıyr Sqaqov jaýapty memlekettik organdar azyq-túlik taýarlary men olardyń baǵasyna, onyń ishinde áleýmettik dúkenderde turaqty monıtorıng júrgizýi tıis ekenin atap ótti. – Bizge jaǵdaıǵa obektıvti monıtorıng júrgizý qajet. Eger qandaı da bir pozıtsııa boıynsha bizde qıyndyqtar týyndaıtyn bolsa, biz bul máseleni jedel sheshýimiz kerek,-dep atap ótti óńir basshysy. – Árıne, asa qajet bolǵan jaǵdaıda biz taýar ınterventsııalaryn júrgizetin bolamyz.

Keńes qorytyndysy boıynsha Ábilqaıyr Sqaqov kásipkerlik jáne saýda basqarmasyna jáne basqa da quzyretti vedomstvolarǵa birqatar tapsyrmalar berdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT