Pavlodar oblysynda avtobýs buzylyp, jolaýshylar jolda qaldy

PAVLODAR. QazAqparat – Pavlodar oblysynda qutqarýshylar «Zaısan-Nur-Sultan» baǵdarynyń buzylǵan avtobýsyndaǵy adamdardy evakýatsııalady, dep habarlaıdy QazAqparat tilshisi.

«22 qarashaǵa qaraǵan túnde, 02:50-de «Pavlodar-Nur-Sultan» avtojolynyń 225-kılometrinde «Zaısan-Nur-Sultan» baǵdarynyń «Setra» markaly jolaýshylar avtobýsynyń janarmaı júıesinen aqaý shyqty. TJD qyzmetkerleri avtobýstyń 18 jolaýshysyn Tórtqudyq aýylynyń mektebine ornalastyrdy», - dedi departament.

Eki júrgizýshi evakýatsııadan bas tartqan. Jóndelgennen keıin, tańǵy altyǵa qaraı avtobýs saparyn jalǵastyrdy.