+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Pavlodar oblysynda ashanada ýlanǵan oqýshylar sany 22-ge jetti

2019 jylǵy 12 qazan 15:36
Bólisińiz:
Pavlodar oblysynda ashanada ýlanǵan oqýshylar sany 22-ge jetti

PAVLODAR. QazAqparat – Pavlodar oblysynyń bas sanıtarlyq dárigeri Irına Sorokına 9 qazan kúni aýyl mektebinde astan ýlanǵan balalardyń sany artqanyn málim etti, dep habarlaıdy QazAqparat pavlodarnews.kz saıtyna silteme jasap.

Taýarlar men qyzmetterdiń sapasy men qaýipsizdigin baqylaý aımaqtyq departamentiniń basshysy Irına Sorokınanyń aıtýynsha, 12 qazandaǵy jaǵdaı boıynsha Pavlodar aýylynyń №40 jalpy orta mektebiniń ashanasynda astan ýlanǵan adamdardyń sany 22-ge jetken.

Aıta ketsek, buǵan deıin zardap shekken 6 bala týraly aıtylǵan bolatyn. Qazir oqýshylardyń 13-i aýrýhanaǵa jatqyzyldy, qalǵandary úıde.

«Bul túsinikti, sebebi ishek juqpasynyń ınkýbatsııalyq kezeńi birneshe saǵattan birneshe kúnge deıin bolýy múmkin. ıAǵnı qandaı da bir jańa sebepter emes. Bul 9 qazan kúngi bolǵan jaǵdaı. Ol týraly 10 qazanda aıtyla bastaǵan edi. 13 balada ýlaný, 8-inde ishek ınfektsııasy anyqtaldy. Barlyq is-sharalar keshenin ótkizdik, balalar tekserildi, mekteptiń ózinde barlyq qajetti zerthanalyq synama alyndy: ónimder de, shaıyndylar da, sý da. Biraq nátıje alý úshin ýaqyt qajet. Biz nátıjelerdi jyldam bilý úshin mıkroorganızmderdiń ósýine áser ete almaımyz. Meniń málimetterim boıynsha, búginde aldyn ala nátıjeler joq. Alǵashqy málimetterdi dúısenbi-seısenbi kúnderi kútemiz», - dep túsindirdi Irına Sorokına.

Ol 10 qazannan bastap mektep ashanasy jumys istemeıtinin atap ótti.

«Ár balanyń óz ımmýnıtetiniń deńgeıi bar. Eger faktor 9 qazanda áreket etse, onda úsh táýlik ishinde shaǵym bildirgender sanynyń ulǵaıýyn kútýge bolady. Odan keıin jańa jaǵdaılardyń paıda bolý yqtımaldyǵy tómen. Alaıda, olardy múldem joqqa shyǵara almaımyn», - dep qosty departament basshysy.

Irına Sorokınniń aıtýynsha, Pavlodar aýylynyń № 40 JOM ashanasynda buryn jappaı ýlaný oqıǵalary bolmaǵan. Bul, qoǵamdyq tamaqtaný ornyn jalǵa alǵan kásipkerdiń 20 jyl ishindegi alǵashqy jaǵdaıy.

«Ashanany jalǵa alýshyǵa lıtsenzııa 2014 jyly berilgen. Bul jańa kásipker emes, ol birneshe jyldan beri osy ashanada jumys isteıdi. Bizdiń sońǵy tekserisimiz 2017 jyly boldy. Sebebi eki jyl boıy ashana sanıtarlyq-epıdemıologııalyq aýdıtte jáne oń nátıjeli esepterge ıe», - dedi ol.

Bizdiń kanalymyzǵa jazylyńyz:

Basty sózder: Pavlodar oblysy, Oqıǵa, Aımaq,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT