Pavlodar oblysynda 200 myń gektar sýarmaly jerdi iske qosý josparlanýda

PAVLODAR. QazAqparat - Pavlodar oblysyna jumys sapary barysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev óńirdegi egistik jerlerdi sýarmaly sýmen qamtamasyz etetin nysandarmen tanysty, dep habarlaıdy QazAqparat atalmysh vedomostvonyń baspasóz qyzmetine silteme jasap.
Atap aıtqanda, mınıstr Sátbaev atyndaǵy kanaldyń sýtorabyndaǵy bógetti qaıta qurý, Maı toptyq sý qubyry, «Ertis-Ýspenka» kanalynyń sýarmaly ýchaskesi, sondaı-aq 1800 gektar «Andas» sharýa qojalyǵynyń sýarmaly alqabyn iske qosý jobasy nysandaryn aralady.
Maǵzum Myrzaǵalıevtiń aıtýynsha, óńirde aýyl sharýashylyǵy jerlerin sýarmaly sýmen qamtamasyz etýde aýqymdy jumys júrgizilýde.
«Máselen, biz bolǵan sońǵy nysan - qaıta jóndelip jatqan «Ertis-Ýspenka« kanalynyń sýarmaly ýchaskesi. Bul kanal 2021 jyldyń aıaǵyna deıin kúrdeli jóndeýden ótkennen keıin 10 myń gektar jańa sýarmaly jer engiziledi. Bul aýqymdy jer. Oblystaǵy túrli aýdandarda basqa da jobalar bar. Jalpy óńirde 10 jyl ishinde sýarmaly jer kólemin qazirgi 56 myń gektardan 200 myń gektarǵa jetkizý qajet», deıdi mınıstr.
Búginde aýyl sharýashylyǵynda 2,5 mln gektar ıgeriletin jer bar. Bul rette oblystaǵy barlyq ónimniń 50%-i 56 myń gektar osy sýarmaly jerde óndiriledi.
«Tıimdiligi kórinip tur. Sondyqtan memleket jańa sýarmaly jerlerdi engizýge, qoldanystaǵy sýarý júıelerin qaıta jóndep, jańa nysandar salýǵa edáýir qarajat bólýde», - dedi Maǵzum Myrzaǵalıev.
- Altaı Kólginov elordanyń azyq-túlik qaýipsizdigi týraly aıtyp berdi
- Pavlodar oblysynda qalaaralyq jáne aýdanaralyq baǵytta jolaýshylardy tasymaldaý toqtatylady
- Maqtaralda kóktemgi egis jumystary bastaldy
- Pavlodar oblysynyń Aqsý qalasyna jańa ákim taǵaıyndaldy
-
Pavlodarda esirtki satýmen aınalysqan qylmystyq top músheleri uzaq merzimge sottaldy
-
Qazaqstanda et qory jetkilikti – AShM
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam