Pavlodar oblysynda 1-4 synyptarǵa tegin ystyq tamaq beriledi

PAVLODAR. QazAqparat – Pavlodar oblysynda bastaýysh synyp oqýshylary jýyq arada tegin ystyq tamaqpen qamtamasyz etiledi, dep habarlaıdy QazAqparat pavlodarnews.kz-ke silteme jasap.

Uqsas jańalyqtar

Shymkenttik oqýshy Elbasy maqalasy negizinde joba jasady

Dáýren Abaev Tarazdaǵy oqýshyny zorlaý oqıǵasy týraly pikir bildirdi Kókshetaýda bir mekteptiń 80 oqýshysy aýyryp qaldy: Bilim basqarmasy aqparat berdi Dáýren Abaev daryndy oqýshylardy atady

Oblys ákimdiginiń baspasóz qyzmetiniń málimdeýinshe, mektepterdiń qamqorshylyq keńesterimen kezdesýde óńir basshysy Bolat Baqaýov aıtqan.

Ákim aldymen Instagram paraqshasyna jazyp, ata-analardan ózekti máselelerdi qozǵaýyn suraǵan. Otyrysty da ata-analardan kelip túsken aryz-shaǵymdardan bastaǵan.

«Maǵan 350-den astam usynys keldi. Sonyń kóbi partalardy, kabınet terezelerin jańalaý, istemeı turǵan mektep basseınderin qalpyna keltirý, jalpy bilim mekemelerin abattandyrý máselelerine qatysty», - dedi oblys ákimi.

Aıtylǵan ózekti máselelerdiń taǵy biri – mekteptegi tamaqtyń sapasyna qatysty boldy. Óńir basshysy da mektep ashanalarynyń birinde tamaqtanǵan eken.

«Biz qansha qarsy bolsaq ta, mektep ashanasynda shokolad satylyp jatyr», - dedi B. Baqaýov.

Odan ári óńir basshysy jýyrda búkil oblysta 1-4 synyp oqýshylary tegin ystyq tamaqpen qamtylatynyn jetkizip, ata-analardan tamaqtyń sapasyn qadaǵalaýdy surady. Bıýdjetke jergilikti ınvestorlar men metsenattar kómektesedi.

Budan bólek, oblys ákimi mektep mańyn bóten mashınalarmen toltyrýǵa tyıym salynatynyn aıtty.

Otyrysta qozǵalǵan máselelerdiń taǵy biri – 15 jastaǵy oqýshylardyń qoǵamdyq kólikte júrýine beriletin jeńildik. Qazir oblysta qısynsyz jaıt qalyptasqan: kolledjderdiń 1-2 kýrstary qoǵamdyq kólikte jolaqynyń jartysyn tóleıdi, al olardyń mektepte oqıtyn qurdastaryna mundaı jeńildik joq.

Bolat Baqaýov osy máselege de toqtalýǵa ýáde berdi.