+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Pavlodar oblysy ákiminiń jańa apparat basshysy taǵaıyndaldy

2020 jylǵy 27 naýryz 13:00
Bólisińiz:
Pavlodar oblysy ákiminiń jańa apparat basshysy taǵaıyndaldy

PAVLODAR. QazAqparat –Pavlodar oblysy ákiminiń jańa apparat basshysy taǵaıyndaldy. Bul laýazymǵa buǵan deıin óńirlik qarjy basqarmasyna jetekshilik etken Nurlan Shaıhslámuly Dúısenbınov keldi, dep habarlaıdy pavlodarnews.kz.

Pavlodar oblysynyń ákimi Ábilqaıyr Sqaqov apparat basshysyn tanystyryp, onyń memlekettik qyzmettegi tájirıbesin atap ótti. Sondaı-aq jemisti qyzmet etýin tiledi. ⠀

«Qoǵamda ózgeristerge degen úlken suranys bar jáne biz ózimizden, osy apparattan bastaýymyz kerek. Halyqpen baılanys júıesin retke keltirýimiz qajet. Azamattardyń aryz-shaǵymdaryn qarastyrýǵa da úlken nazar bólgen jón. Bul máselede formalızmge jol berilmeýi kerek. Budan bólek, ákim apparatynyń transformatsııasy boıynsha usynystardy kútemin. Sebebi, búgingi jaǵdaıda burynǵydaı jumys isteýge bolmaıdy»- dedi Ábilqaıyr Sqaqov. ⠀

Apparat basshysy qyzmetinen bosaǵan Aǵybaı Ámirın Pavlodar oblysy ákiminiń apparaty qurylymynda jumys isteıtin bolady. Ábilqaıyr Sqaqov oǵan atqarǵan jumysy úshin alǵys aıtyp, Qurmet gramotasymen marapattady. ⠀ Nurlan Shaıhslámuly Dúısenbınov 1973 jyly Pavlodarda ómirge kelgen. 1994 jyly Qaraǵandy kooperatıv ýnıversıtetin, al 2003 jyly Qaztutynýodaǵy Qaraǵandy ekonomıkalyq ýnıversıtetin támámdaǵan. Ekonomıst jáne zańger kvalıfıkatsııasy bar. ⠀

Eńbek jolyn 1994 jyly «Igilikbanktyń» Pavlodar fılıalynda bastaǵan. 1997 jyly Pavlodar qalasy Ilıchev aýdanynyń Salyq komıtetine aýysady, al 1998 ben 2003 jyldar aralyǵynda Pavlodar qalasy salyq komıtetinde túrli dárejede qyzmet atqarǵan.

Keıinnen Pavlodar oblysy Salyq komıteti bóliminiń basshysy qyzmetine taǵaıyndalady. 2005 jyly Pavlodar qalasy Salyq komıteti tóraǵasynyń orynbasary, al 2014-2016 jyldary Pavlodar oblysy boıynsha tekserý komısııasynyń tóraǵasy bolǵan. ⠀

2016 jyldan 2017 jylǵa deıin Nurlan Dúısenbınov Aqsý qalasy ákimi bolǵan.

2017 jyldyń qarashasynda oblystyq qarjy basqarmasynyń basshysy qyzmetinde jańa taǵaıyndalýyna deıin jumys istegen.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT