+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Pavlodar qalasynyń ákimi taǵaıyndaldy

2021 jylǵy 19 shilde 11:45
Bólisińiz:
Pavlodar qalasynyń ákimi taǵaıyndaldy

PAVLODAR. QazAqparat - Pavlodar qalasynyń ákimi bolyp Asaıyn Baıhanov taǵaıyndaldy, dep habarlaıdy QazAqparat ákimdiktiń telegram kanalyna silteme jasap.

Uqsas jańalyqtar
BQO qarjy basqarmasyna jańa basshy taǵaıyndaldy Shyǵys Qazaqstandaǵy Aıagóz qalasynyń ákimi aýysty Qazaqstanda apta ishinde bolǵan kadrlyq taǵaıyndaýlar

Qalanyń jańa ákimin aımaq basshysy Ábilqaıyr Sqaqov tanystyrdy. Sońǵy bir jarym jyl Asaıyn Baıhanov Pavlodar oblysy ákiminiń orynbasary qyzmetin atqardy.
Pavlodardyń jańa ákiminiń kandıdatýrasy QR Prezıdenti ákimshiligimen kelisilip, qala máslıhaty depýtattarymen maquldandy. Ábilqaıyr Sqaqov qalanyń jańa basshysynyń qyzmetindegi basymdyqtardy aıqyndap berdi. Ol bıýdjetti josparlaý men memlekettik satyp alýdaǵy josparlaýdyń qatelikteri saldarynan qala ákimdiginde shirkeılerge qarsy kúreske arnalǵan konkýrs der kezinde ótkizilmeı, joldardy jóndeý jáne abattandyrý jumystaryn júrgizý merzimderi yǵysqan. Aımaq basshysy merdigerlik jumystyń sapasy da suraqtar týǵyzatynyn aıtyp, ony qatań qadaǵalaýdy tapsyrdy.


«Qala ákimdigi qalanyń máseleleri jóninde biletin jáne olardy jedel, utqyr, tıimdi sheshetin oryn bolýy tıis. Al is júzinde ýaqytty ótkizip alyp, máseleni sheshý úshin ózime, orynbasarlaryma nemese oblystyq basqarma basshylaryna aralasýǵa týra keledi. Oblystyq ákimdik qalalyq ákimdikti almastyra almaıdy. Bul máselelerdi ózińizdiń jeke, úzdiksiz qadaǵalaýyńyzǵa alýyńyzdy tapsyramyn. Problemalardy der kezinde anyqtap, olardy sheshýge belsendi áreket etý, merdigerler jumysyn úzdiksiz qadaǵalap, memlekettik satyp alýdy tıimdi josparlaý qajet. Sonymen qatar, jylý berý maýsymynyń máseleleri de basymdyqtar qatarynda bolýy tıis», - dedi oblys ákimi.
Asaıyn Baıhanov 1978 jyly Pavlodar oblysynyń Baıanaýyl aýdanynda dúnıege keldi. 2000 jyly ol Pavlodar ýnıversıtetin «Ekonomıka jáne menedjment» mamandyǵy boıynsha támamdap, 2005 – 2006 jyldary ProCredit Holding AG ı European Bank for Reconstruction and Development (EBRD) halyqaralyq bank holdınginiń biliktilikti arttyrý korporatıvtik ortalyǵynda oqydy. 2017 j. M.V.Lomonosov atyndaǵy Máskeý Memlekettik ýnıversıtetin bitirdi (iskerlik ákimshilik magıstri, «Strategııalyq menedjment jáne kásipkerlik»).
2000 jyly joǵary bilim alǵannan keıin Asaıyn Baıhanov eńbek jolyn bank sektorynda, Eýropalyq qaıta qurý jáne damý banki (EQQDB) Qazaqstanda ótkizgen baǵdarlama boıynsha bastady. Ekibastuzda nesıelik eksperttiń tyńdaýshysynan EQQDB-niń Almatydaǵy bas keńsesiniń jańa bank ónimderin engizý bóliminiń basshysyna deıin ósip, sonymen birge EQQDB Qazaqstan jáne shet elderde ótkizgen semınarlarynda kópsatyly oqý baǵdarlamasyn meńgerdi.
2003–2007 jyldary Asaıyn Baıhanov ProCredit Holding AG bank halyqaralyq bank holdınginde túrli laýazymdar atqardy, onyń ishinde Kıevtegi «ProKredıt Ýkraına» JAQ basqardy. 2007 jyly A. Baıhanov Qazaqstanǵa oralyp, «Nurbank» AQ basqarma tóraǵasynyń orynbasary qyzmetine taǵaıyndalyp, fılıaldar jelisin keńeıtý men shaǵyn jáne orta bıznesti, onyń ishinde aýylsharýashylyǵy salasyndaǵy nesıelendirýdi damytý baǵyttary úshin jaýapty boldy.
2009–2015 jyldary Asaıyn Baıhanov aýylsharýashylyǵy salasyndaǵy kásipkerlikpen aınalysty: Almatyda jáne Almaty oblysynda mal jáne ósimdik ósirý, logıstıka jáne júk tasymaldaý boıynsha birqatar sátti jobalardy júrgizip-damytty.
2015–2020 jyldary A. Baıhanov «QazAgro» Ulttyq basqarýshy holdıngi» AQ quramyndaǵy «QazAgroÓnim» AQ basqarma tóraǵasynyń orynbasary. Osy merzim ishinde aýylsharýashylyǵy salasynyń túrli memlekettik baǵdarlamalaryn talqylaý jáne ózgertý, sondaı-aq, agroónerkisip ónimderin eksportqa shyǵarý dyń maqsatty ındıkatorlaryna qol jetkizý jónindegi jumys toptarynyń múshesi jáne jetekshisi boldy. 2020 jyldyń naýryz aıynan bastap sońǵy taǵaıyndalýyna deıin Pavlodar oblysy ákiminiń orynbasary qyzmetin atqaryp, aýylsharýashylyǵy, aýyldy aımaqtardy damytý, jer qoınaýyn paıdalaný, qorshaǵan orta jáne sý resýrstary, jer qatynastary jáne t.b. máseleler úshin jaýapty boldy.
Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT