Páterdegi turǵyndardy bank qosymshasy arqyly tirkeýden shyǵarýǵa bolady
2022 jylǵy 27 maýsym 12:31

Páterdegi turǵyndardy bank qosymshasy arqyly tirkeýden shyǵarýǵa bolady

NUR-SULTAN. QazAqparat – Bank qosymshasyna páterdegi turǵyndardy tirkeýden shyǵarý qyzmeti engizilip jatyr. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Endi bir baspanada tirkelgen adamdardyń sanyn Halyk Homebank qosymshasy arqyly tekserýge bolady. Sonymen qatar, atalǵan qosymshada páterdegi turǵyndardy tirkeýden shyǵarý múmkindigi qarastyrylatyn bolady», - dedi Shuǵyla Turlybek mınıstrliktiń baspasóz alańynda ótken brıfıng barysynda.

Atap aıtqanda, bul qyzmet «tirkeýden shyǵarý» bóliminde iske qosylady. Osy qyzmet túri tek Qazaqstan azamataryna, ıaǵnı jyljymaıtyn múlik ıelerine arnalǵan.

Jańa qyzmet tsıfrlyq bank múmkindikterin keńeıtý aıasynda Іshki ister mınıstrliginiń, Tsıfrlyq damý, ınnovatsııalar jáne aeroǵarysh ónerkásibi mınıstrliginiń qoldaý jasaýy arqyly engizilip jatyr.

Budan buryn habarlanǵandaı, búgingi brıfıng barysynda bir aptada Qazaqstanda 3 myńǵa jýyq qylmys tirkelgeni aıtyldy.


Jańalyqtar

Úrdis

MURAǴAT