Páterde qansha adam tirkeýde turǵanyn qalaı bilýge bolady

ÓSKEMEN. QazAqparat – «Azamattarǵa arnalǵan úkimet» memlekettik korporatsııasy Shyǵys Qazaqstan oblysy boıynsha fılıalynyń mamandary páterde qansha adam tirkeýde turǵanyn qalaı bilýge bolatyndyǵyn túsindirdi, dep habarlaıdy QazAqparat tilshisi.

Uqsas jańalyqtar

Qazaqstanda aıaq kıimdi mindetti tsıfrlyq tańbalaý tártibi engizilýi múmkin

QR Premer-Mınıstri Tsıfrlandyrý jónindegi komıssııa otyrysyn ótkizdi Sybaılas jemqorlyqqa qarsy qyzmet tóraǵasynyń birinshi orynbasary Oljas Bektenov Kókshetaýda boldy

«Turǵyn úı ıesi tirkelgen azamattardyń sanyn eki jolmen bile alady. Birinshisi, Egov.kz portal arqyly. Ol úshin portalǵa kirip, JSN men paroldi nemese elektrondyq tsıfrlyq qoltańbany engizý qajet. Jeke kabınetke ótken soń «múlik» bóliminde «tirkelgen tulǵalardyń tizimin kórsetý/jasyrý» tetigin tańdaısyz», - delingen fılıaldyń baspasóz qyzmeti taratqan málimette.

Ekinshi tásil, EgovKzBot2.0 Telegram-boty arqyly júzege asyrylady. Eń áýeli «Start» batyrmasyn basyp, «qyzmetter» sanatyna ótý qajet. Sodan keıin «Jyljymaıtyn múlik» bólimindegi «meniń páterimde qansha adam tirkelgen» tetigin tańdaısyz.

«Eger menshigińizde birneshe páter bolsa – tizimnen qajetti mekenjaıdy tańdaýyńyz qajet. Uıaly telefonǵa kelgen tekserý kodyn engizesiz. Qajetti aqparat birneshe mınýt ishinde daıyn bolady», - delingen habarlamada