Páter ıeleri kooperatıvteriniń jumysy ózgeredi

NUR-SULTAN. QazAqparat - Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.
QR Indýstrııa jáne ınfraqurylymdyq damý mınıstriniń mindetin atqarýshy Qaıyrbek Óskenbaevtyń aıtýynsha, zań jobasy kelesi negizgi máselelerdi sheshýge baǵyttalǵan, ıaǵnı «Bir úı - bir birlestik - bir shot» qaǵıdasy boıynsha «múlik ıeleriniń birlestigi» kommertsııalyq emes uıymnyń jańa nysanyn qurý arqyly basqarý organdarynyń qyzmetin retteý. Usynylǵan prıntsıp ár úıdi basqarýdyń jeke tásilin qarastyrady. Múlik ıeleriniń árbir birlestigi ózderiniń aǵymdaǵy jáne jınaqtaýshy shottaryn ashatyn bolady. Atalǵan shara páter ıeleri kooperatıvteri jáne basqarýshy kompanııalar tarapynan qyzmetter men tarıfterdiń turǵyndarǵa júktelmeýin jáne qarjylarynyń ashyq jumsalýyn qamtamasyz etedi.
Sondaı-aq, turǵyndarǵa basqarý tásilin, ıaǵnı ózderiniń basqarý organdary nemese basqarýshylyq kompanııalar arqyly tańdaý quqyǵyn jasaýǵa múmkindik beredi. Basqarýshylyq kompanııalar kelisimshart negizde tartylatyn bolady.
«Budan bólek, kondomınıým nysanynyń ortaq múlkine kúrdeli jóndeý júrgizýdiń jańa tetigin engizý eskerilgen. Bul turǵyndarǵa qarajattyń túsýin jáne maqsatty jumsalýyn baqylaý arqyly ózderiniń úıine ǵana kúrdeli jóndeýge qarajat jınaýǵa múmkindik beredi. Kúrdeli jóndeý júrgizýge qarajat jınaqtaý jáne jeńildetilgen qaryz alý mehanızmi ázirlendi», - dedi ol.
Bul shemaǵa jergilikti atqarýshy organdar da qatysady, olar basqarý organynyń ótinishi boıynsha kúrdeli jóndeý júrgizý qajettiligi týraly sheshim qabyldaıdy, jobalyq-smetalyq qujattamany ázirleýdi uıymdastyrady, tehnıkalyq tekserý jáne energııa aýdıtin júrgizedi.
Sonymen qatar, basqarý organdary qyzmetiniń ashyqtyǵyn arttyrý baǵytynda zań jobasynda barlyq qatysýshylar úshin bıznes-protsesterdiń ashyqtyǵyn qamtamasyz etetin turǵyn úı-kommýnaldyq sharýashylyǵynyń aqparattyq júıesin qurý kózdelgen.
- Qazaqstan men Reseı senatorlary ózara is-qımyldyń basym baǵyttaryn anyqtady
- Qaraǵandy oblysy tsıfrlyq tehnologııalardy engizýde úzdik oblys dep tanyldy
- Shymkenttik kópbalaly otbasylar men jastarǵa páterler beriledi
- 2020 jyly qandaı avıamarshrýttar sýbsıdııalanady
-
Qazaqstanda óndirilgen taýarlardy 120-dan astam el tutynyp otyr
-
Rýdnyıda 50 otbasy baspanaly boldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam