+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Álıev pen Pashınıan Qarabaq boıynsha Máskeýde kezdesý múmkindigin joqqa shyǵarmaıdy

2020 jylǵy 20 qazan 08:52
Bólisińiz:
Álıev pen Pashınıan Qarabaq boıynsha Máskeýde kezdesý múmkindigin joqqa shyǵarmaıdy

MÁSKEÝ. TASS-QazAqparat – Armenııanyń premer-mınıstri Nıkol Pashınıan men Ázerbaıjan basshysy Ilham Álıev Taýly Qarabaqtaǵy jaǵdaı boıynsha kelissózder júrgizý úshin Máskeýge kelýge daıyn ekendikterin bildirdi, dep habarlaıdy QazAqparat TASS agenttigine silteme jasap.

«Taýly Qarabaq qaqtyǵysy tek beıbit jolmen sheshilýi kerek, bul – bizdiń ustanymymyz. Ókinishke oraı, Ázerbaıjan bul kózqaraspen kelispeıdi.

Men osyndaı nátıjege jetý úshin barýǵa, kezdesýge, sóılesýge bar kúsh-jigerimdi jumsaýǵa daıynmyn», - dedi Armenııanyń premeri TASS agenttigine bergen suhbatynda.

«Eger ekinshi tarap daıyn bolmasa, biz halqymyzdyń, Taýly Qarabaqtaǵy otandastarymyzdyń quqyqtary úshin sońyna deıin kúresýge daıynbyz. Meniń oıymsha, bul – Armenııa úkimetiniń, Armenııa halqynyń, armıan dıasporasynyń ustanymy, bul – adal jáne syndarly ustanym», - dep jalǵastyrdy sózin Pashınıan.

Álıev TASS-qa bergen suhbatynda Baký ókilderiniń Máskeýdegi armıan tarapymen kelissózderge daıyn ekenin málimdedi.

«Biz qashan da teke-tiresti toqtatyp, retteý joldaryn tabý úshin Máskeýde jáne qaı jerde bolmasyn, kezdesýge daıynbyz», - dedi Álıev.

Sonymen birge Ázerbaıjan basshysy Bakýde «kez kelgen baılanysqa daıyn» ekenin aıtty.

«Bul jaǵdaıda men mundaı shaqyrtýdy almadym, sondyqtan bul maǵan qatysty suraq emes. Reseı prezıdenti Vladımır Pýtınniń ózi birneshe ret jáne onyń aldynda Dmıtrıı Medvedev Ázerbaıjan men Armenııa basshylary arasynda úsh jaqty kezdesýler ótkizdi. Biraq Armenııadaǵy bılik shartty túrde «Sorostyń» qolyna ótkennen keıin mundaı baılanystar toqtady», - dep túsindirdi Álıev.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT