+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Partııalarǵa Parlamentke ótýge múmkindik joǵarylaıdy - Álı Bektaev

2021 jylǵy 15 qańtar 18:13
Bólisińiz:
Partııalarǵa Parlamentke ótýge múmkindik joǵarylaıdy - Álı Bektaev

NUR-SULTAN. QazAqparat – Partııalarǵa Parlamentke ótýge múmkindik ulǵaıtylady. Bul týraly búgin VII shaqyrylymdaǵy Parlamenttiń birinshi sessııasynan keıin senator Álı Bektaev málim etti, dep habarlaıdy QazAqparat tilshisi.

Uqsas jańalyqtar
Májiliste sanıtarııalyq-epıdemıologııalyq qyzmettiń kemshilikteri aıtyldy

«Prezıdentimiz Qasym-Jomart Kemeluly Toqaev búgingi qos palatanyń birlesken otyrysynda óte mańyzdy baıandama jasady dep esepteımiz. Eń negizgisi – bizdiń tıimdi memleket jáne ádiletti qoǵam qurý saıasatynyń jalǵasatyndyǵyn basyp aıtty. Bul óte mańyzdy másele. Sondyqtan da jalpy basqarý júıesin reformalaý, sot júıesin reformalaýǵa qatysty máselelerdiń jalǵasatyndyǵyn, sonymen birge, ásirese jergilikti ózin-ózi basqarýdy odan ári damytý máseleleri óte mańyzdy dep esepteımin. Shynynda da jergilikti jerlerdegi basqarý júıesi, sonyń ishinde qoǵamdyq basqarý júıeleri, qoǵamdyq keńester, sonyń ishinde ákimshilik júıesiniń ózin de qaıta qaraıtyn ýaqyt keldi. Halyqqa tıimdi organdar, tıimdi qoǵamdyq keńester jumys jasaýy kerek, ol birinshi másele», - dedi senator.

Onyń paıymynsha, aýmaqtardy damytýǵa qatysty óte bir mańyzdy basymdyqtar aıtyldy. Aýmaqtardyń barlyǵynyń teńgerimdi damýy jáne soǵan laıyqty qarjynyń bólinýi, aýmaqtardyń jol qurylysy, ınfraqurylymy birdeı damý qajet ekendigi óte oryndy aıtyldy. Sebebi qazirgi ýaqytta bizdiń óńirlerde mysal úshin jol máselesiniń ózi ártúrli damyǵan, bir jerde jol jaqsy, bir jerde jol tipti de óte nashar, bir jerde aýyzsýmen qamtamasyz etilgen, ekinshi jerde aýyzsý tipti joq. Gazdandyrý máseleleri boıynsha da solaı.

«Ásirese, aýmaqtyq, óńirlik jerlerde, aýyl-aımaqtarda osy halyqqa qajetti negizgi áleýmettik ınfraqurylymnyń damýyn bir deńgeıde, bir dárejede damytý máselesi óte bir úlken problemaǵa aınalyp otyrǵandyǵy ras. Prezıdenttiń búgingi sózinde aıtylǵan máselelerdi biz tolyq qoldaımyz. Onyń baıandamasynda 3500-den astam aýyldyq eldi mekender qaıta jańǵyrtylatyn boldy degen áńgime aıtyldy. Bul óte oryndy nárse. Eger aýyldyq eldi mekender qaıtadan jańǵyrtylatyn bolsa, biz aýyldardy saqtap qalamyz. Soǵan laıyqty áleýmettik ınfraqurylym bolady. Óndiristik ınfraqurylymdy damytý da mańyzdy, sebebi óndiris bolmaı, halyq turmaıdy aýylda», - dedi depýtat.

Saıası reformalarǵa toqtalǵan Á. Bektaev, aýyl ákimderin saılaý, artynan aýdan ákimderin saılaýǵa kóshý máselesi óte oryndy aıtylǵanyn atap ótti.

«Taǵy bir aıtylatyn másele, saılaýdan keıingi qorytyndyǵa baılanysty. Shynynda da biraz partııalar ótti, birazy óte almaı qaldy, kóptegen jumystar atqaryldy, kóptegen usynystar aıtyldy, jaqsy saılaý aldy baǵdarlamalar qabyldandy, myqty azamattar kandıdat bolyp tirkeldi. Parlamentke ótpeı qalǵan partııalardyń ishindegi sol baǵdarlamaǵa engizilgen mańyzdy saıası, ekonomıkalyq, áleýmettik reformalarǵa qatysty usynystardyń bárin eskerý kerektigin, kelesi saılaýda Parlamentke ótý paıyzynyń deńgeıin 7%-dan 5%-ǵa deıin tómendetý máselesin mańyzdy dep esepteımin. Shynynda da partııalarǵa Parlamentke ótýge múmkindikti ulǵaıtady. ıAǵnı partııalar arasynda úlken básekelestik paıda bolady, bıylǵy saılaý da sony kórsetti. Sondyqtan Prezıdentimizdiń baıandamasyndaǵy aıtylǵan máseleler bizdiń elimizdi damytýǵa jolyndaǵy, memleketimizdi demokratııalandyrý jolyndaǵy, halqymyzdyń turmys-tirshiligin arttyrý jolyndaǵy óte mańyzdy jasalǵan qadam boldy dep esepteımin», - dedi Álı Bektaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT