+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Parlament jerge qatysty moratorııdi 5 jylǵa uzartý men jaıylym boıynsha zańdy qabyldady

2021 jylǵy 24 maýsym 12:05
Bólisińiz:
Parlament jerge qatysty moratorııdi 5 jylǵa uzartý men jaıylym boıynsha zańdy qabyldady

NUR-SULTAN. QazAqparat – Parlament Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» Zańyn eki oqylymda qarap, qabyldady, dep habarlaıdy QazAqparat tilshisi.

Uqsas jańalyqtar
Senattaǵy «Óńir» depýtattyq tobynyń otyrysynda qandaı máseleler talqylandy Bilim berý mekemelerin zeınetkerler kúzete ala ma – Senator saýaly Senatta Kaspıı teńizin lastanýdan qorǵaý týraly hattama ratıfıkatsııalandy

2016 jyly Memleket basshysynyń Jarlyǵymen Jer kodeksiniń jekelegen baptarynyń qoldanysyna moratorıı engizilgeni belgili. Bul moratorıı 2021 jyly 31 jeltoqsanda aıaqtalady.

«Sheteldikter boıynsha moratorıı normalaryna keletin bolsaq, Memleket basshysy túpkilikti saıası sheshim qabyldady. Ol boıynsha 2021 jyly 13 mamyrda aýyl sharýashylyǵy jerlerin sheteldikterge, sheteldik zańdy tulǵalarǵa berýge jáne satýǵa tolyq tyıym salýdy kózdeıtin tıisti Zań qabyldandy. Qazaqstandyqtarǵa qatysty moratorıı normalary boıynsha, sondaı-aq jer zańnamasyn jetildirý maqsatynda Memleket basshysy Ulttyq qoǵamdyq senim keńesiniń besinshi otyrysynda Jer reformasy boıynsha komıssııa qurýdy tapsyrdy. Barlyǵy Jer komıssııasynyń quramyna 80 adam kirdi, olardyń 75% azamattyq qoǵam ókilderi jáne táýelsiz sarapshylar boldy. Jer reformasy jónindegi komıssııanyń jumysy kópshilik aldynda júrgizildi, onyń barlyq otyrystary onlaın rejımde kórsetildi jáne áleýmettik saıttarda jarııalandy», - dedi Aýyl sharýashylyǵy mınıstri Saparhan Omarov.

Jer reformasy jónindegi komıssııa aǵymdaǵy jylǵy 25 naýryzda jumysqa kirisip, 24 sáýirde jumysyn aıaqtady. Komıssııanyń 5 otyrysy ótkizilip, onda 120-dan astam usynys kóterilip, jer zańnamasyn jetildirý boıynsha birqatar júıeli usynymdar ázirlendi. Jer reformasy jónindegi komıssııanyń usynystaryn iske asyrý maqsatynda «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» zań jobasy daıyndaldy.

«Ázirlengen zań jobasynyń maqsaty - jer zańnamasyn jetildirý, aýyl sharýashylyǵy maqsatyndaǵy jerlerdi jalǵa alý ınstıtýtyn retteý jáne jerdi paıdalaný men qorǵaýǵa memlekettik baqylaýdy kúsheıtý.

Zań jobasynyń negizgi ózgeristeri men tolyqtyrýlaryna toqtalsaq, qazaqstandyqtarǵa jáne qazaqstandyq zańdy tulǵalarǵa aýyl sharýashylyǵy maqsatyndaǵy jerlerdi 49 jylǵa deıingi merzimge jalǵa berý, jalǵa alý merzimi aıaqtalǵan kezde ony jańa merzimge uzartý quqyǵyn berý, sondaı-aq memleketten satyp almaı, jer paıdalanýshylar arasynda aýyl sharýashylyǵy maqsatyndaǵy jerge jaldaý quqyǵyn ıelikten shyǵarý. Bul rette, olardy paıdalaný merzimi keminde 5 jyl, sondaı-aq jer qatynastary organdaryn habarlaý mindetti shart bolyp sanalady», - dedi mınıstr.

Sonymen qatar qujatta myna mindetter eskerilgen:

- Jer resýrstaryn basqarý komıtetine jerdi paıdalaný men qorǵaýdy memlekettik baqylaý fýnktsııalaryn ákimdikterden qaıtarý;

- aýyl sharýashylyǵy jerleriniń nysanaly maqsatyn «baq sharýashylyǵy» jáne «saıajaı qurylysyna» ózgertýge tyıym salý;

- halyqtyń muqtajyn qanaǵattandyrý maqsatynda, jergilikti jaǵdaılardy eskere otyryp, jaıylymdardy basqarý jónindegi josparlarda qajetti jaıylym alqabynyń shekarasyn aıqyndaý;

- berilgen aýyl sharýashylyǵy maqsatyndaǵy jer ýchaskeleri týraly málimetterdi memlekettik jer kadastrynyń ınternet - resýrsynda ashyq túrde ornalastyrý;

- aýyl sharýashylyǵy maqsatyndaǵy jerlerdi qazaqstandyqtarǵa jeke menshikke berýge moratorııdiń qoldanylý merzimin 2026 jylǵy 31 jeltoqsanǵa deıin uzartý.

«Ázirlengen zań jobasyn qabyldaý nátıjesinde mynadaı oń áleýmettik - ekonomıkalyq saldar kútiledi:

jalǵa alynǵan aýyl sharýashylyǵy maqsatyndaǵy jerlerdi ekonomıkalyq aınalymǵa tartý, jergilikti halyqtyń jaıylymdyq jerlerge qajettiligin qanaǵattandyrý, aýyl sharýashylyǵy jerleriniń nysanaly maqsatyn ózgertýge qoıylatyn talaptardy jáne jerdi paıdalaný men qorǵaýǵa baqylaýdy kúsheıtý, aýyl sharýashylyǵy maqsatyndaǵy jer ýchaskeleri boıynsha aqparattyń ashyqtyǵy. Jer zańnamasyna talqylanǵan túzetýlerdi qabyldaý agroónerkásiptik keshendi turaqty damytýdyń bir negizi bolyp otyr, óıtkeni jer máseleleri - aýyl sharýashylyǵy ekonomıkasyn damytýdyń negizgi faktorlary», - dedi S. Omarov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT