+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Parlament saılaýy saıası partııalardyń baǵdarlamalaryn tanystyrýǵa múmkindik beredi - Nurlan Nyǵmatýlın

2020 jylǵy 21 qazan 10:25
Bólisińiz:
Parlament saılaýy saıası partııalardyń baǵdarlamalaryn tanystyrýǵa múmkindik beredi - Nurlan Nyǵmatýlın

NUR-SULTAN. QazAqparat – Májilis tóraǵasy Nurlan Nyǵmatýlın aldaǵy Parlament saılaýyna qatysty pikir bildirdi, dep habarlaıdy QazAqparat tilshisi.

«Búgin Memleket basshysy Qasym-Jomart Toqaev kezekti Parlament saılaýyn ótkizý týraly Jarlyqqa qol qoıdy. Árıne, Parlament saılaýy bizdiń elimiz, halqymyz úshin óte mańyzdy saıası qadam», - dedi N. Nyǵmatýlın Májilistiń jalpy otyrysynda.

Osy oraıda ol Táýelsizdik jyldarynda parlamenttik ári prezıdenttik saılaýlardy ótkizý kezinde qazaqstandyqtar únemi saıası joǵary mádenıetti kórsetip kele jatqanyn atap ótti.

«Sebebi Parlament saılaýy elimizdegi barlyq saıası partııalardyń óz baǵdarlamalaryn tanystyrýǵa jáne halyqtyń senimine ıe bolýǵa úlken múmkindik beredi. Sondyqtan aldaǵy saılaý demokratııany nyǵaıtýǵa, qoǵamdyq yntymaqtastyqty kúsheıtýge, elimizdiń damýyna jańa serpin beredi dep senemiz», - dedi Májilis tóraǵasy.

Aıta keteıik, Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalady.

«Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezıdent.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT