+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Parlament pedagog mártebesine arnalǵan zańdy qabyldady

2019 jylǵy 26 jeltoqsan 13:52
Bólisińiz:
Parlament pedagog mártebesine arnalǵan zańdy qabyldady

NUR-SULTAN. QazAqparat – Búgin Parlament Senatynyń jalpy otyrysynda «Pedagog mártebesi týraly» Zań qabyldandy, dep habarlaıdy QazAqparat tilshisi.

Uqsas jańalyqtar
Májilis depýtaty Jetisý memlekettik ýnıversıtetiniń ujymymen kezdesti Pedagog mártebesi týraly zańnyń oryndalýy qazaqstandyqtarǵa tikeleı baılanysty  - sarapshy Pedagog mamandyqtaryna mektep túlekteriniń suranysy artady degen úmittemiz – JOO rektory

«Pedagog mártebesi týraly» zań jobasy 21 baptan turady jáne jarty mıllıonnan astam ustazdyń jumysyna qatysty. Jalpy, zań jobasy tórt baǵytty qamtıdy. Birinshiden, ustazdardyń quqyqtaryn keńeıtý jáne ózine tán emes jumystardan bosatý, olardyń júktemesin azaıtý. Ekinshiden, muǵalimniń qyzmetine qoıylatyn talaptardy kúsheıtý. Úshinshiden, materıaldyq emes yntalandyrý tetikteri, sondaı-aq tórtinshiden, materıaldy yntalandyrý qadamdary», - dedi QR Bilim jáne ǵylym mınıstri Ashat Aımaǵambetov.

Onyń sózine qaraǵanda, birinshi baǵyt - pedagogtardyń quqyqtary boıynsha birneshe norma qarastyrylǵan. Olardyń barlyǵy muǵalimniń jeke damýyna jáne oqý protsesin jetildirýge múmkindik beredi. Muǵalimderdi artyq jumysqa, óziniń qyzmetine kirmeıtin jumysqa tartýǵa, shamadan tys esep berýge, qaǵazbastylyqqa, negizsiz tekserý júrgizýge tyıym salý arqyly júktemeni azaıtý boıynsha jeke normalar kózdelgen.

«Pedagog mártebesin arttyrý onyń qyzmetine qoıylatyn talaptardy kúsheıtýdi qajet etedi. Osy oraıda zań jobasyna sáıkes, pedagogıkalyq jumysqa jiberilmeıtin sebepter de keńeıtildi. Budan bólek, muǵalimderdiń etıka máselelerine de kóńil aýdarylyp otyr. Ár bilim mekemesinde ádep boıynsha keńester ınstıtýty engizilip, jumys isteıdi», - dedi mınıstr.

A. Aımaǵambetovtyń aıtýynsha, muǵalimderdiń balalaryna balabaqshaǵa birinshi kezekte oryn berý normasy qarastyryp otyr. Barlyq pedagog qyzmetkerler aldaǵy ýaqytta 56 kúndik demalysqa shyǵa bastaıdy.

Sonymen qatar aýyldyq jerlerde jumys isteıtin pedagogtarǵa jeke turǵyn úı qurylysy úshin jer ýchaskelerin alý úshin basymdyq berilmek. Bilim berý uıymdarynda jumys isteıtin er azamattardy áskerı qyzmetke shaqyrýdy keıinge qaldyrý normasy da qarastyrylǵan. Bunyń aldynda osy norma aýyldyq jerge qatysty bolsa, qazirgi ýaqytta bul norma keńeıtilip otyr.

«Memleket basshysynyń Tamyz konferentsııasynda bergen tapsyrmasynyń aıasynda tórt jyl ishinde muǵalimderdiń eńbekaqysy eki ese artady. Bul turǵydan aldaǵy qańtar aıynan bastap pedagogtardyń jalaqysy 25 paıyzǵa ósedi. Depýtattardyń qoldaýymen osy bekitilgen bıýdjette tıisti qarajat qarastyrylǵan. Biz osy jumysqa qańtardan bastap kirisýge daıynbyz», - dedi Ashat Aımaǵambetov.

Belgili bolǵandaı, oqý oryndarynyń muǵalimderine magıstr dárejesi úshin qosymsha aqy engiziledi.

Aıta keteıik, Senattyń jalpy otyrysynda «Qazaqstan Respýblıkasynyń keıbir zańnamalyq aktilerine pedagog mártebesi, oqýshy men muǵalimge júktemeni tómendetý máseleleri boıynsha ózgerister men tolyqtyrýlar engizý týraly» Zańy da eki oqylymda qaralyp, qabyldandy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT