+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Parlament depýtattary kanıkýlǵa ketti

2021 jylǵy 30 maýsym 10:33
Bólisińiz:
Parlament depýtattary kanıkýlǵa ketti

NUR-SULTAN. QazAqparat - Búgin Parlament palatalarynyń birlesken otyrysy ótip, onda jetinshi saılanǵan Parlamenttiń birinshi sessııasy resmı túrde jabyldy, dep habarlaıdy QazAqparat tilshisi.

Atap aıtqanda, depýtattar bıylǵy 1 qyrkúıekke deıin parlamenttik kanıkýl dep jarııalanatyny týraly arnaıy qaýly qabyldady.

«Búgin biz jetinshi shaqyrylǵan Parlamenttiń alǵashqy sessııasyn aıaqtap otyrmyz. Bul sessııa jumysy qasıetti Otanymyz Qazaqstanymyzǵa 30 jyl tolǵan mereıli kezeńde bastaldy. Ata-babamyz ańsaǵan Táýelsizdik árbir otbasyn, árbir qazaqstandyqtyń zor maqtanyshy jáne baǵa jetpes baılyǵy bolyp sanalady. Sebebi dál osy 30 jyldyń ishinde bizdiń elimiz barlyq salada zor tabystarǵa jetti. Búgingi kúni Qazaqstanymyz búkil álem moıyndaǵan bedeli joǵary, irgesi berik qýatty memleketke aınaldy», - dedi Májilis Tóraǵasy Nurlan Nyǵmatýlın.

Osy oraıda ol Táýelsizdik jyldaryndaǵy QR Tuńǵysh Prezıdent Nursultan Nazarbaevtyń eńbegine toqtaldy.

«Búginde osy 30 jyl buryn negizin qalaǵan, maqsaty aıqyn, bolashaǵy zor «Qazaqstandyq joldy» Memleket basshysy Qasym-Jomart Kemeluly Toqaev odan ári tabysty jalǵastyryp keledi. Qazirdiń ózinde el damýyna naqty serpin beretin mańyzdy bastamalar, birqatar saıası- ekonomıkalyq, áleýmettik reformalar nátıjeli qolǵa alyndy. Onyń barlyǵyn zań jaǵynan qamtamasyz etip kele jatqan qos palataly kásibı Parlamenttiń qurylǵanyna da bıyl 25 tolyp otyr. Bul árqashanda Qazaqstannyń zańnamalyq tiregi bolyp kele jatqan Parlament úshin óte mańyzdy oqıǵa. Osyndaı tarıhı kezeńde bizdiń depýtattyq korpýstyń róli de, jaýapkershiligi de burynǵydan da arta tústi», - dedi Májilis Tóraǵasy.

N. Nyǵmatýlınniń aıtýynsha, bıyldyń qańtar aıynda ótken kezekti Parlament saılaýy elimizde demokratııany odan ári nyǵaıtýǵa, qoǵamdyq yntymaqtastyqty kúsheıtýge jáne saıası jańǵyrtýǵa jańa serpin berdi. Osy saılaý nátıjesinde Májilis quramy 70 paıyzǵa jańardy. Sonymen birge jańa quram barlyq sala boıynsha bilikti tulǵalarmen tolyqty.

«Búkil álemge taraǵan koronavırýs indeti Qazaqstandy da oryn aldy. Sońǵy bir jyldan astam ýaqyttan beri elimiz pandemııa saldarymen kúres júrgizip keledi. Eldegi jaǵdaı barshamyzdyń ómirimizge, jumysymyzǵa kóptegen ózgerister ákelse de, Parlament bir kúnge de óz jumysyn toqtatpady. Elimizdiń tehnologııalyq jetistikterin paıdalana otyryp, belsendi eńbek etti. Barlyq jıyn, jumys toptary, komıtetterdiń keńeıtilgen otyrystary, jergilikti ári halyqaralyq kezdesýler kóp jaǵdaıda onlaın formatta ótti», - dedi ol.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT