Parlament balalardy qorǵaý salasyna qatysty qujatty qabyldady

NUR-SULTAN. QazAqparat – Parlament «Qazaqstan Respýblıkasynyń keıbir zańnamalyq aktilerine Memleket basshysynyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boıynsha ózgerister men tolyqtyrýlar engizý týraly» Zańyn qabyldady, dep habarlaıdy QazAqparat tilshisi.

Uqsas jańalyqtar

Depýtat otandyq asyl tuqymdy mal basyn kóbeıtýdiń qadamdaryn aıtty

Memlekettik qaryz boıynsha qarajatty ıgermegeni úshin jaýapkershilik engiziledi - mınıstr Parlament Májilisi naqtylanǵan bıýdjet shyǵystaryn talqylaıdy

Aıta keteıik, 10 jeltoqsan kúni Senattyń jalpy otyrysynda qujat ekinshi oqylymda talqylandy. Qujatqa tolyqtyrýlar engizilgendikten, zań jobasy Májiliske qaıtaryldy.

Búgin Parlament Májilisiniń jalpy otyrysynda palata depýtattary Senat engizgen tolyqtyrýlarmen kelisti.

«Májilistiń Zańnama jáne sot-quqyqtyq reforma komıteti zań jobasyna Senat engizgen tolyqtyrýlardy qarap shyqty. Senat usynǵan tolyqtyrýlar zań jobasynyń tujyrymdamalyq erejelerin ózgertpeıdi jáne QR Konstıtýtsııasynyń 61-babynyń 5-tarmaǵyna sáıkes, komıtet QR Parlamenti Senaty engizgen tolyqtyrýlarmen kelisýdi usynady», - dedi Májilis depýtaty Snejanna Imasheva.

Eske sala keteıik, zań jobasyn talqylaý barysynda Senat depýtattarynyń eskertýleri men usynystaryn eskere otyryp, Májilis maquldaǵan zań jobasyna tolyqtyrýlar engizý qajettigi týyndady. Máselen, QR Qylmystyq-protsestik kodeksine kámeletke tolmaǵandardyń jynystyq tıispeýshiligine qarsy asa aýyr qylmys boıynsha sotta isterdi qaraýdy alqabılerdiń qatysýynsyz sýdıanyń jeke-dara júzege asyrýyn kózdeıtin túzetýler engizý usynyldy.

«Qujatty ekinshi oqylymǵa daıyndaý kezinde zań jobasyna tolyqtyrýlar engizý qajet boldy. Memleket basshysynyń Joldaýynda kámeletke tolmaǵandarǵa qatysty jynystyq sıpattaǵy qlymystar úshin jazany kúsheıtý mindeti kórsetilgen. Túzetýler osy sanattaǵy isterdi kásibı sýdıalardyń jalǵyz qaraýyn kózdeıdi», - dedi senator Qanatbek Safınov.