+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Parıjdegi EYDU shtab-páterinde Prezıdenttik jastar kadr rezervi tanystyryldy

2019 jylǵy 19 qarasha 21:34
Bólisińiz:
Parıjdegi EYDU shtab-páterinde Prezıdenttik jastar kadr rezervi tanystyryldy

NUR-SULTAN. QazAqparat - Parıj qalasyndaǵy (Frantsııa) Ekonomıkalyq yntymaqtastyq jáne damý uıymynyń shtab-páterinde EYDU Memlekettik basqarý komıtetiniń 60-shy otyrysy ótti, dep habarlaıdy QazAqparat MQІA baspasóz qyzmetine silteme jasap.

Otyrys baǵdarlamasynda daryndy jastardy memlekettik qyzmetke tartý máseleleri qaraldy.

EYDU-ǵa qatysýshy elder tez ózgeretin saıası baǵdarlamalarǵa jedel den qoıý qajettiligine baılanysty, qazirgi ýaqytta memlekettik qyzmetshilerge qoıylatyn talaptardyń qarqyndy artýyn atap ótti. Zamanaýı memlekettik apparat halyqtyń qajettilikteri men úmitterine sáıkes qoǵamdaǵy boljanbaıtyn oqıǵalar men ózgeristerge ıkemdi jaýap berýi kerek.

Osyǵan baılanysty EYDU Memlekettik basqarý komıtetiniń memlekettik qyzmetiniń kóshbasshylyǵy men áleýeti jónindegi keńesi óziniń seriktesterine qoǵamǵa paıda ákeletin daǵdylar men quzyrettilikterdi turaqty anyqtaý arqyly memlekettik qyzmettiń áleýetin damytýdy belsendi túrde ınvestıtsııalaýdy usynady. Sondaı-aq, olarǵa ádil jáne teń qarym-qatynasty qamtamasyz etý úshin ashyqtyǵy men sińirgen eńbegine negizdelgen rásimderge sáıkes kandıdattardy irikteý jáne qyzmeti boıynsha ilgeriletý qajettiligi atap ótildi. Bul jańa daryndy qyzmetkerlerden barynsha qaıtarymdy alýǵa múmkindik beredi.

Osy baǵyt boıynsha Ulybrıtanııanyń kadr strategııasy jónindegi dırektory Saımon Kleıdon, Aýstralııanyń Memlekettik qyzmet komıssary Pıter Výlkot, Volcker Alliance AQSh atqarýshy vıtse-prezıdenti Sara Mýgelský jáne Frantsııanyń Profile Public negizin qalaýshy Sıgrıd Barger óz pikirlerin ortaǵa saldy.

Sektsııalyq otyrysta QR Memlekettik qyzmet isteri agenttiginiń ókili Jandos Sársen Prezıdenttik jastar kadr rezervin qalyptastyrý boıynsha tájirıbesimen bólisti.

Spıker otyrysqa qatysýshylarǵa Prezıdenttik jastar kadr rezervine irikteý krıterııleri, ereksheligi men kezeńderi, SHL kompanııasynyń ádistemesi boıynsha testileýdi qoldaný jáne qatysýshylardyń quzyrettiligin baǵalaý ádisi týraly áńgimeledi.

J. Sársen atap ótkendeı, mundaı jobany júzege asyrý daryndy jastarǵa memlekettik jáne qoǵamdyq damý ıgiligi úshin ózderiniń kásibı josparlaryn iske asyrýda áleýmettik lıft retinde osy múmkindikti paıdalanýǵa múmkindik beredi.

Buǵan deıin Prezıdenttik jastar kadr rezervi Sıngapýrda Azııa-Tynyq muhıt aımaǵynyń 9 eliniń qatysýymen ótken baǵdarlama barysynda tanystyrylǵan bolatyn.

Parıjdegi otyrysta EYDU Bas hatshysynyń orynbasary Djefrı Shlangenhaýf Memlekettik basqarý dırektoratynyń negizgi jarııalanymy bolyp tabylatyn «2019 jylǵy memlekettik basqarýǵa sholý» atty (Government at a Glance 2019) zertteý nátıjelerin usyndy.

Zertteýler adamǵa baǵdarlanǵan memlekettik qyzmetterge arnalǵan, EYDU-ǵa qatysýshy elderdegi basqarý tájirıbesin baǵalaý úshin halyqaralyq deńgeıde salystyrmaly kórsetkishterdiń keń aýqymyn qamtıdy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT