Jańalyqtar  >

Parıjde Ahmet Baıtursynulynyń 150 jyldyǵyna arnalǵan halyqaralyq konferentsııa ótti

2022 jylǵy 4 qazan, 19:22
Parıjde Ahmet Baıtursynulynyń 150 jyldyǵyna arnalǵan halyqaralyq konferentsııa ótti

ASTANA. QazAqparat – Alash qaıratkeri Ahmet Baıtursynulynyń ıÝNESKO kóleminde atalyp ótip jatqan 150 jyldyq mereıtoıy uıymnyń shtab páteri ornalasqan Parıj qalasynda jalǵasyn tapty, dep habarlaıdy QazAqparat tilshisi.

Bul týraly Ǵylym jáne joǵary bilim mınıstrligi Til saıasaty komıtetiniń resmı saıty málim etti.

«Ahmet Baıtursynuly jáne renessanstyq órkenıet» degen taqyryppen ótken halyqaralyq konferentsııada Qazaqstannan arnaıy barǵan alashtanýshylar men qoǵam qaıratkerleri, Túrkııa jáne Ázerbaıjan ǵalymdary, Germanııanyń Mıýnhen qalasynan barǵan Eýropa qazaqtary qaýymdastyǵynyń tóraǵasy Abdýlqaıým Kesıjı baıandama jasady.

Sondaı-aq, ıÝNESKO uıymy bas dırektorynyń orynbasary Sın Tsıýı de konferentsııada sóz alyp, quttyqtaý joldady.

Shara aıasynda Ahmet Batursynulynyń ómiri men qyzmetin sıpattaıtyn kórme uıymdastyrylyp, «Qazaq órkenıeti jáne Ahmet Baıtursynuly» atty beınerolık kórsetilgen.

Sharanyń sońynda qazaq, túrik, aǵylshyn jáne orys tilderinde jazylǵan «Ahmet Baıtursynuly. Tańdamaly shyǵarmalary» atty kitaptyń tusaýkeseri boldy.


Foto: gov.kz

Seriktester jańalyqtary

Jańalyqtar