+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Paralleldi ımportqa tyıym salý ózin aqtamady - depýtat

2018 jylǵy 7 aqpan 12:50
Bólisińiz:
Paralleldi ımportqa tyıym salý ózin aqtamady - depýtat

ASTANA. QazAqparat - Paralleldi ımportqa tyıym salýdan Qazaqstanda birqatar taýarlardyń baǵasy sharyqtap ketti. Búgin Parlament Májilisiniń jalpy otyrysynda depýtat Gúlnar Bıjanova osylaı málim etti, dep habarlaıdy QazAqparat.

«2015 jyldan bastap Qazaqstan Respýblıkasy óńirlik qaǵıdatty qoldanýǵa kóshti, ıaǵnı paralleldi ımportqa tyıym saldy. Mundaı ózgeris Eýrazııalyq ekonomıkalyq odaǵy týraly shartqa qol qoıýǵa jáne ulttyq zańnamany úılestirýge baılanysty oryn aldy. Importtyń ruqsat berilmegen quqyq ıelenýshisinen naryqty qorǵaý - quqyq ıelenýshiniń jumys oryndaryn ashý jáne óndiristerdi ashý úshin ınvestıtsııalyq tartymdylyqty arttyrýdy kózdedi. Biraq elimiz osy ótken 3 jylda qatar ımportqa shekteýden ne utty? Quqyq ıelenýshiniń biri - «Toyota Motor Corporation» kompanııasy Qazaqstan aýmaǵynda dıller ortalyqtarynyń jelisin ashty. Qazaqstandyqtardyń osy dıller ortalyqtarynda qyzmet alýy qomaqty somany quraıdy jáne olardyń balamaly básekeli tańdaýy joq. Taýar belgisiniń ıeleri avtobólshekter baǵasyn esh kedergisiz kótere alady. Dıller ortalyqtary men táýelsiz ımporterler baǵalarynyń salystyrmaly taldaýy 200-den 500 paıyzǵa deıingi aıyrmashylyqty kórsetedi», - dep atap ótti Bıjanova QR Ulttyq ekonomıka mınıstriniń atyna joldaǵan depýtattyq saýalynda.

Onyń sózine qaraǵanda, farmatsevtıka salasyndaǵy ahýal da osyndaı. Mysaly, onkologııalyq aýrýlardy emdeýge arnalǵan «Fazladeks» dárisi Túrkııanyń dárihana jelilerinde bólshek saýdada qazaqstandyq valıýtamen 61 892 teńgeni quraıdy. Biraq, Qazaqstanǵa ony ákelýge bolmaıdy, sebebi óńirlik quqyqty alyp tastaý qaǵıdaty bar.

Ony satyp alý kezinde «SK-Farmatsııa» belgilengen 205 275 teńge kólemindegi baǵamen kelisýge májbúr, al bólshek saýdada osy preparat 298 996 teńge turady. ıAǵnı, qunnyń artýy 482 paıyzdy quraıdy. Bul jalǵyz ǵana mysal. Jalpy, farmatsevtıkalyq preparattar boıynsha baǵalardyń salystyrmaly taldaýy 550 paıyzǵa deıingi aıyrmashylyqty kórsetedi.

Depýtattyń atap ótýinshe, óndirýshiler, taýar belgileriniń ıeleri basqa elderge qaraǵanda, Qazaqstan úshin baǵany barynsha joǵary belgileı alady, ony tómendetýge jáne tipten Qazaqstanǵa jetkizýden bas tartýǵa qaýqarly.

Belgili bolǵandaı, 2016 jylǵy 25 qazandaǵy Eýrazııalyq úkimetaralyq keńes Hattamasy aıasynda jekelegen taýar túrleri boıynsha bul máseleni sheshý múmkindigi bar. Bul úshin osyndaı bastama jasaǵan el taýarlardyń naqty túrleri Odaqtyń ishki naryǵynda qoljetimsiz, jetkiliksiz ári qymbat baǵada ekendigin dáleldeýi tıis.

Sóz sońynda G. Bıjanova EAEO-da osy máselede el ustanymyn aıqyndaý boıynsha sheshimdi jedel qabyldaý men ózimizdiń aýmaqta ádil básekeni damytý úshin jaǵdaı jasaý qajettigine nazar aýdarýdy surady.


foto:parlam.kz

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT