Paralımpıada-2022: Qazaqstandyqtar shańǵy estafetasynda óner kórsetedi
2022 jylǵy 13 naýryz 09:20

Paralımpıada-2022: Qazaqstandyqtar shańǵy estafetasynda óner kórsetedi

BEIJІŃ. QazAqparat – Beıjińdegi Paralımpıada oıyndarynyń sońǵy kúninde parahokkeıden, shańǵy jarysynan (estafeta) jáne taý shańǵysy sportynan (slalom) fınaldyq kezeńder ótedi, dep habarlaıdy QazAqparat tilshisi.

Oıyndardyń sońǵy kúni ashyq jáne aralas estafetamen aıaqtalady. Jarystar Hebeı provıntsııasynyń Chjantszıakoý taý shańǵy kýrortynda ótedi. Qazaqstandyq sportshylar 4×2,5 aralas estafetasynda óner kórsetedi.

Sondaı-aq Beıjińde AQSh pen Kanada quramalary parahokkeıde chempıondyq tıtýl úshin talasady.

Al parataýshańǵysynan jarystar slalomnan áıelder arasyndaǵy básekemen aıaqtalady. Jarystar el astanasynyń ıAntsın aýdanynda ótedi.

Búgin, jeksenbi kúni «Qus uıasy» ulttyq sport stadıonynda XIII Paralımpıada oıyndarynyń jabylý saltanaty bolady.

Segizignshi jarys kúniniń qorytyndysy boıynsha: birinshi orynda 59 medalmen Qytaı tur (18 altyn, 18 kúmis jáne 23 qola medal). Ekinshi orynda Ýkraına quramasy ornalasqan (10-10-8), úshinshi orynda – Kanada (8-5-10). Qazaqstan quramasy 1 qola medalmen Avtralııa jáne Shveıtsarııamen birge 17-19 oryndardy bólisip otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT