Paralımpıada-2022: Búgin qazaqstandyqtar bıatlonnan synǵa túsedi
2022 jylǵy 11 naýryz 08:33

Paralımpıada-2022: Búgin qazaqstandyqtar bıatlonnan synǵa túsedi

BEIJІŃ. QazAqparat - Juma kúni, qysqy Paralımpıada oıyndarynyń jetinshi jarys kúninde qazaqstandyq sportshylar erler arasyndaǵy bıatlonnan 12,5 shaqyrym qashyqtyqqa otyryp jáne turyp jarysýdan synǵa túsedi. Jarystar Qytaıdyń Hebeı provıntsııasyndaǵy Chjantszıakoý taý shańǵysy kýrortynda ótýde, dep habarlaıdy QazAqparat tilshisi.

11 naýryzda bıatlon jarysynyń sońǵy kúni. Erler men áıelder arasynda 6 medal jıyntyǵy sarapqa salynady.

Qazirgi Paralımpıada oıyndarynyń qola júldegeri Aleksandr Gerlıts bıatlonnan erler arasyndaǵy jekeleı jarysta 12,5 shaqyrym qashyqtyqta turyp óner kórsetedi. Qazaqstandyq sportshynyń qatysýymen fınaldyq jarys juma kúni (Beıjiń ýaqytymen 12:40) ótedi.

Ýkraına quramasy sporttyń osy túrinen 5 altyn medalmen júldeler kestesinde kósh bastap tur. Qytaı 3 altynmen ekinshi orynda, AQSh úshinshi orynda (eki altyn medal).

Altynshy jarys kúniniń qorytyndysy boıynsha Qytaı quramasy 32 júldemen medaldar kestesinde úlken eseppen kósh bastady: 10 altyn, 9 kúmis jáne 13 qola. Kanada quramasy ekinshi orynda (7-2-7), Ýkraına úshinshi orynda (6-8-5).

Beıjińdegi Paralımpıada oıyndary 4-13 naýryz aralyǵynda ótedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT