+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Para alý boıynsha qaı óńirler kósh bastap tur

2020 jylǵy 26 qazan 11:28
Bólisińiz:
Para alý boıynsha qaı óńirler kósh bastap tur

NUR-SULTAN. QazAqparat – 2020 jylǵy qańtar-qyrkúıek aılarynda memlekettik qyzmet pen memlekettik basqarý múddelerine qarsy 1,7 myń sybaılas jemqorlyq jáne basqa da qylmystyq quqyqbuzýshylyq faktisi tirkelgen. Bul ótken jylmen salystyrǵanda 12,4%-ǵa az, dep habarlaıdy QazAqparat ranking.kz saıtyna silteme jasap.

Uqsas jańalyqtar
Jemqorlyqty joıý jáne aldyn alý jumystary is júzinde júrgizilýi tıis – Alık Shpekbaev Jetisaı aýdanynda «Halyqtyq keńse» ashyldy Beketaev Statı isi jaıly: Qazaqstan bárine naqty sıgnal berýi kerek

Olardyń úshten ekisi (65,8%), ıaǵnı 1,1 myń quqyq buzýshylyq paraqorlyqqa baılanysty bolǵan. Ol 2019 jylǵy qańtar–qyrkúıekpen salystyrǵanda 10,5%-ǵa artyq. Onyń ishinde 603 quqyq buzýshylyq - para alýǵa, 500 — saıajaıǵa, 46 — deldaldyqqa qatysty.

Óńirler arasynda para alý boıynsha quqyq buzýshylyqtardyń basym bóligi - 114 jaǵdaı Almaty oblysynda tirkelgen, bir jyl buryn 69 bolǵan, jylyna 1,7 ese ósim baıqalady. Ekinshi orynda elorda tur. Munda 113 quqyq buzýshylyq faktisi tirkelgen. Bul bir jyl burynǵyǵa qaraǵanda 1,5 ese kóp. Kósh bastaýshylardyń úshtigin Batys Qazaqstan oblysy túıindeıdi. Munda 106 quqyq buzýshylyq faktisi tirkelgen. Bul ótken jylǵa qaraǵanda birden 2,1 esege artqandyqty kórsetedi.

Toǵyz aıdyń qorytyndysy boıynsha Memlekettik qyzmet pen memlekettik basqarý múddelerine qarsy sybaılas jemqorlyq jáne ózge de qylmystyq quqyq buzýshylyqtardan keltirilgen materıaldyq shyǵynnyń belgilengen somasy 20,8 mlrd teńgeni qurady. Bul bir jyl burynǵyǵa qaraǵanda 34,4% -ǵa artyq.

Paraqorlyq boıynsha jalpy somanyń 9,3% nemese 1,9 mlrd teńgesi tıesili. Kórsetkish bir jylda birden 46,2 ese artqan.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT