+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Para alǵan Aqmola oblysynyń burynǵy sheneýnikteri iri kólemde aıyppul tóleıdi

2021 jylǵy 12 mamyr 15:46
Bólisińiz:
Para alǵan Aqmola oblysynyń burynǵy sheneýnikteri iri kólemde aıyppul tóleıdi

KÓKShETAÝ. QazAqparat - Arshaly aýdany ákiminiń burynǵy orynbasary Rızat Sabırov pen aýdandyq sáýlet jáne qala qurylysy bóliminiń burynǵy basshysy Samat Ospanov 28 mıllıon teńge aıyppul tóleıdi, dep habarlaıdy QazAqparat tilshisi Aqmola oblystyq sotynyń baspasóz qyzmetine silteme jasap.

Aqmola oblysynyń Arshaly aýdandyq sotynda aýdan ákiminiń burynǵy orynbasary Rızat Sabyrovqa jáne Arshaly aýdanynyń sáýlet jáne qala qurylysy bóliminiń burynǵy basshysy Samat Ospanovqa qatysty para aldy degen aıyppen qylmystyq is kelisý óndirisinde qaraldy.

«2020 jylǵy 21 qyrkúıekte S.Ospanov óziniń qyzmettik kabınetinde R. Sabırovpen aldyn ala sóz baılasý arqyly jer ýchaskesin alý týraly ótinishi boıynsha jer komıssııasynyń oń sheshimin shyǵarǵany úshin kásipkerden bir mıllıon teńge kóleminde aqsha talap etti. Áńgime barysynda olardyń arasynda 800 000 teńge kólemindegi para somasy týraly kelisimge keledi. Nátıjesinde áıelge qosymsha jer telimi berildi. Osylaısha, Sabyrov pen Ospanov jer ýchaskesin alý týraly ótinishi boıynsha jer komıssııasynyń oń sheshimi úshin 800 000 teńge somasynda para aldy», - delingen sot habarlamasynda.

Basty sot talqylaýy barysynda sottalýshylar men prokýror arasynda kináni moıyndaý týraly mámile nysanynda protsestik kelisim jasaldy. Sabırov, Ospanov jáne olardyń qorǵaýshylary kináni moıyndaý týraly mámile nysanynda protsessýaldyq kelisim jasaı otyryp, aıyptaýǵa jáne is boıynsha jınalǵan dáleldemelerge daý aıtpady, kináni tolyq kólemde moıyndady.

«Sot aıyptalýshy Sabırov pen Ospanovqa qylmystyq jaýapkershilik pen jazany jeńildetetin mán-jaılardy jas balalarynyń bar ekenin jáne shyn júrekten ókinetinin moıyndady. Qylmystyq jaýapkershilik pen jazany aýyrlatatyn mán - jaılar retinde sot ózi qabyldaǵan antty nemese kásibı antty buzǵan adamnyń qylmystyq quqyq buzýshylyq jasaǵanyn moıyndady», - dedi vedomstvonyń baspasóz hatshysy Kúlásh Domalaqova.

Sot úkimimen eks-sheneýnikter QR QK 366-baby 3-bóliginiń 2-tarmaǵynda kózdelgen «memlekettik fýnktsııalardy oryndaýǵa ýákilettik berilgen laýazymdy adamnyń jeke ózi jáne deldal arqyly adamdar tobynyń aldyn ala sóz baılasýy boıynsha jasaǵan para berýshiniń paıdasyna jasalǵan is-áreketteri úshin aqsha túrinde para alýy» qylmystyq quqyq buzýshylyq jasaǵany úshin kináli dep tanyldy. Olardyń árqaısysyna memlekettik qyzmette qyzmet atqarý quqyǵynan ómir boıyna aıyra otyryp, 28 mln teńge mólsherinde 35 eselengen para somasy túrinde jaza taǵaıyndaldy. Úkim zańdy kúshine endi.

Aıta keteıik, R.Sabırov 2019 jyldyń 4 qazanynan bastap Arshaly aýdany ákiminiń orynbasary, al S. Ospanov 2014 jyldyń 19 jeltoqsanynan bastap Arshaly aýdanynyń sáýlet jáne qala qurylysy bóliminiń basshysy laýazymyna taǵaıyndalǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT