+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Pandemııanyń qoǵamǵa yqpaly, jýrnalıstıkanyń róli jáne adamı rezerv - Prezıdenttik kadrlyq rezerv forýmy

2021 jylǵy 12 maýsym 14:51
Bólisińiz:
Pandemııanyń qoǵamǵa yqpaly, jýrnalıstıkanyń róli jáne adamı rezerv - Prezıdenttik kadrlyq rezerv forýmy

NUR-SULTAN. QazAqparat – Prezıdenttik kadrlyq rezerv forýmy aıasynda áleýmettik damý máselelerine arnalǵan «Adamı kapıtal» sessııasy ótti, dep habarlaıdy QazAqparat tilshisi.

Sessııaǵa QR Premer-Mınıstriniń orynbasary Eraly Toǵjanov, QR Aqparat jáne qoǵamdyq damý mınıstri Aıda Balaeva, Bilim jáne ǵylym mınıstri Ashat Aımaǵambetov jáne Mádenıet jáne sport mınıstri Aqtoty Raıymqulova qatysty.

Eraly Toǵjanov óz sózinde pandemııanyń Qazaqstandaǵy qoǵamǵa qalaı yqpal etkenin aıtty.

«Ár qıyndyqtyń bir artyqshylyǵy bolady. Pandemııa arqyly sana-sezimimizde tóńkeris boldy. Talaı dúnıeniń tezirek damýyna yqpal etti, máselelerdi qysqa merzimde sheshý qajet boldy. Mysaly pandemııa bolmaǵanda, kompıýtermen qamtamasyz etý máseleleri taǵy 5 jylǵa sozylar ma edi. Óz elimizde kompıýter, noýtbýk qurastyratyn kompanııalar ashyldy. Qoǵam dáriger men ustazdardyń qadirin túsindi. Óz balalaryn oqytyp sharshaǵan ata-analar bar. Qazir jaǵdaı qalyptasyp kele jatyr. «Ashyq» jobasy ashylyp, aýrý qarqynyn baqylaý kúsheıdi. Buryn ýaqyt jumsap, jınalystarda bas qosyp júrsek, qazir alys jerlerden, aýdandardan kelmeı-aq, onlaın rejımde sóılesetin múmkindik týdy», - dedi Eraly Toǵjanov.

Óz kezeginde Aqparat mınıstri jýrnalıstıkanyń halyq arasyndaǵy turaqtylyqty saqtaýdaǵy róli týraly aıtty.

«Aqparat mınıstrliginiń salasy aýqymdy bolǵanymen, men eń basty turaqty ómirdiń saqtalýyndaǵy BAQ rólin aıtqym keledi. Ol tek pandemııada ǵana emes, jalpy qoǵamnyń ári qaraı órkendeýine, eldiń sana-sezimi ózgerýine, talǵam qalyptasýyna eń basty yqpal etedi. Sondyqtan, bizdiń eń basty mindetimiz – osy salada júrgen mamandar adamı kapıtal desek, sol mamandardyń tájirıbeli bolýy. Jýrnalıstıkanyń jalpy damýy, ár jýrnalıstiń tájirıbeli bolýyna úlken mán berip otyrmyz», - dedi Aqparat mınıstri elordada Prezıdenttik jastar kadrlyq rezervi forýmynyń «Adamı kapıtal» sessııasynda.

Onyń aıtýynsha, Aqparat mınıstrligi ótken jyly jýrnalıstıkany damytý boıynsha arnaıy jospar qabyldady, ol jýrnalısterdi daıarlaý, qaıta daıarlaý jáne biliktiligin arttyrý máselelerin kózdeıdi.

«Salalyq jýrnalıstıkanyń qanshalyqty mańyzdy ekenin kórdik. Osyǵan baılanysty bizdiń mınıstrlik memorandýmdarǵa qol qoıdy, túrli salalar boıynsha jýrnalısterdi daıarlaýǵa baǵyttalǵan naqty semınarlar ótip jatyr. Eń aldymen medıtsına boıynsha, pandemııa kezinde senimdi jáne kásibı aqparat berý arqyly qoǵamda turaqtylyqty saqtaýdyń qandaı mańyzdy ekenin kórdik. Qoǵamda kóptegen feıkter paıda bolyp, túsinispeýshilikter týyndady. Ólim-jitim deńgeıi joǵary bolsa da, adamdar vırýstyń baryna, onyń asa qaýipti ekenine senbedi. Árıne, munda aqparatty kásibı túrde berý mańyzdy boldy», - dep atap ótti A. Balaeva.

Sonymen birge mınıstr jalǵan aqparatpen kúres sharalary týraly aıtyp berdi.

«Bizdiń kezdesýlerdiń birinde rezervıst Aleksandr Danılov basqaratyn StopFake saıtyn qurǵanymyzdy aıtqan edim. Onyń jobany qolǵa alǵanyna jáne tabysty júrgizip jatqanyna alǵys aıtamyn. Biz agrarlyq elde turatynymyzdy eskere otyryp, agrarlyq ýnıversıtettermen de memorandýmǵa qol qoıdyq. Etnosaralyq kelisim jáne jalpy dinı bilim berý máseleleri de óte mańyzdy. Munda da biz jýrnalısterge arnalǵan kýrstar júrgizip jatyrmyz. Bul máseleler únemi jetildirilip otyrady. Sonymen qatar, biz halyqaralyq medıamekteptermen jumys istep jatyrmyz», - deıdi vedomstvo basshysy.

Mádenıet jáne sport mınıstri A. Raıymqulova elimizdegi eń mańyzdy rezerv – adamı rezerv ekenin aıtty.

«Elimizdiń eń mańyzdy rezervi – adamı rezerv. Muny Táýelsizdiktiń eń birinshi kúninen beri Elbasymyz jáne qazirgi Prezıdentimiz de aıtyp júr. Sondyqtan sizderge eńbek joldaryńyzda da, ómirlik joldaryńyzda da jaqsylyq tilep, kásibı qabiletterińizdi elimizdiń kórkeıýinde kórsetýge nıet qylamyn. Mádenıet, sport, týrızm salasy – qoǵamnyń eń erekshe salalary dep oılaımyn. Mádenıettiń deńgeıi – jalpy el men qoǵamnyń deńgeıin kórsetedi. Elimizde eń birinshi kúnnen bastap «Mádenı mura», «Rýhanı jańǵyrý», «Uly dalanyń jeti qyry» atty úlken baǵdarlamalyq maqalalar shyǵyp, mádenıetimizdiń ártúrli salalarda damýyna úlken jumys júrgizip jatyrmyz», - dedi A. Raıymqulova.

Al Ashat Aımaǵambetov Prezıdenttik kadrlyq rezervtiń jumysyna aıryqsha toqtaldy.

«Joba óte keremet. Shyn máninde, balalar óte jaqsy iriktelgen. Men muny jumys berýshi retinde aıta alamyn jáne baıqap otyrmyn. Bes adam Bilim jáne ǵylym mınıstrligine jumys isteýge keldi, taǵy 17 adamdy biz joǵary oqý oryndarymyzdyń dırektorlar keńesiniń quramyna tarttyq. Qazir biz «Bilimdi el» ulttyq jobasyn talqylaýdamyz. Sizderdiń arqalaryńyzda kóptegen ózgerister bolyp jatqanyn kórip otyrmyz», - dedi Bilim jáne ǵylym mınıstri.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT