+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Pandemııanyń birinshi tolqynynan jaqsy sabaq aldyq – QR Prezıdenti

2020 jylǵy 25 qyrkúıek 15:22
Bólisińiz:
Pandemııanyń birinshi tolqynynan jaqsy sabaq aldyq – QR Prezıdenti

ALMATY. QazAqparat - Qazaqstan Prezıdenti Qasym-Jomart Toqaevtyń Almatyǵa jasaǵan jumys sapary I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalyna barýdan bastaldy, dep habarlaıdy QazAqparat Aqordaǵa silteme jasap.

Uqsas jańalyqtar

Qasym-Jomart Toqaev 500 adamǵa statsıonarlyq medıtsınalyq járdem berýge arnalǵan jáne zamanaýı qurylǵylarmen jabdyqtalǵan palatalardy aralap kórdi.

Memleket basshysyna qaladaǵy medıtsınalyq-demografııalyq ahýal jáne COVID-19 indetine qarsy kúresý úshin qabyldanǵan sharalar, sondaı-aq, medıtsınalyq jedel járdem qyzmetiniń jumysy jóninde baıandaldy. Prezıdent medıtsına qyzmetkerlerimen áńgimelesý barysynda ulttyq densaýlyq saqtaý salasyn odan ári damytý, medıtsınalyq mekemelerdi qajetti qurylǵylarmen jabdyqtaý, tósek-oryn men ınfraqurylymdy jańartý, sondaı-aq, dárigerlerdiń eńbekaqysyn arttyrý máselelerine toqtaldy.


«2023 jylǵa qaraı medıtsına qyzmetkerleriniń eńbekaqysyn búkil ekonomıkadaǵy ortasha jalaqydan eki ese joǵary deńgeıge jetkizý mindeti qoıylady. Alǵashqy medıtsınalyq sanıtarlyq járdem berý isin damytýǵa basa mán beriledi. Ókinishke qaraı, biz bul salaǵa ýaqytynda nazar aýdarmadyq. Epıdemııa mundaı is-qımyldardyń qate ekenin kórsetti. Qazir jibergen qatelikterge durys kóńil bólip, olardy túzetýimiz kerek. Árıne, medıtsına árdaıym basty nazarymyzda bolady», – dedi Qasym-Jomart Toqaev.


Memleket basshysy koronavırýstyń yqtımal jańa tolqynyna daıyn bolýdyń mańyzdy ekenin atap ótti. Osy rette azamattarymyzdyń ómiri men densaýlyǵyn saqtaý úshin barlyq resýrsty jumyldyrý qajettigin aıtty.


«Qazir búkil álemdegi jaǵdaı kúrdeli. Eýropa men Amerıkada koronavırýstyń ekinshi tolqyny ótip jatyr. Osyndaı jaǵdaıda biz qyraǵylyq tanytyp, daıyn bolýymyz qajet. Pandemııanyń birinshi tolqynynan jaqsy sabaq aldyq. Bul tájirıbeniń paıdasy bolady. Árıne, qıyn boldy, qatelikter jiberildi, sonyń ishinde, Densaýlyq saqtaý mınıstrligi tarapynan da aǵattyqtar ketti. Bul qatelikterdi jumys barysynda jóndeýge týra keldi. Degenmen, kez kelgen tájirıbeniń, tipti aýyr bolsa da, paıdasy bar. Sondyqtan ekinshi tolqynǵa daıyn bolaıyq. Sodan keıin búkil dúnıe júzimen, halyqaralyq qoǵamdastyqpen birge barlyq qıyndyqty laıyqty túrde eńserýge tıispiz», – dedi Prezıdent.

Kezdesý sańynda Memleket basshysy pandemııaǵa qarsy kúrestiń kúrdeli jaǵdaıynda atqarǵan qajyrly eńbekteri úshin dárigerlerge rızashylyq bildirdi.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT