+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Pandemııadan zardap shekken kásipkerlerge qoldaý kórsetiledi - Mańǵystaý

2020 jylǵy 23 qazan 14:33
Bólisińiz:
Pandemııadan zardap shekken kásipkerlerge qoldaý kórsetiledi - Mańǵystaý

AQTAÝ. QazAqparat – Pandemııa kezinde zardap shekken mańǵystaýlyq kásipkerlerge memlekettik qoldaý kórsetiledi, dep habarlaıdy QazAqparat tilshisi.

Uqsas jańalyqtar
Qyzylorda oblysynda 8 oqýshy koronavıýs juqtyrdy Mańǵystaý oblysynda koronavırýs boıynsha epıdemıologııalyq jaǵdaı turaqty BQO-da qarasha aıynda 355 adam koronavırýstan emdelip shyqty

Óńirlik kommýnıkatsııa ortalyǵynda ótken brıfıngte Mańǵystaý oblystyq saýda jáne kásipkerlik basqarmasy basshysynyń mindetin atqarýshy Muqanbetjan Kóbegen «Bıznestiń jol kartasy - 2025» memlekettik baǵdarlamasyna ózgerister engizilgenin jetkizdi. Osylaısha, baǵdarlama aıasynda nesıe berýdiń paıyzdyq mólsheri 6 paıyzǵa tómendetildi.

«Búgingi kúngi engizilgen ózgerister boıynsha nesıelerin joǵary paıyzben tólep otyrǵan shaǵyn jáne orta kásipkerlik ókilderi, memleketten bólinetin sýbsıdııany paıdalana otyryp, nesıe mólsherin tómendetýge múmkindigi bar. Bul 29 túrli salada jumys istep júrgen jandardy qamtıdy. Olar avtosalondar, avtomobılderge tehnıkalyq qyzmet kórsetý ortalyqtary, meıramhanalar, tamaq ónimderin jetkizý qyzmeti, týrıstik agenttikter, mektepke deıingi bilim berý, orta bilim berý salasy, dárigerlik praktıka jáne stomatologııa salasyndaǵy qyzmet, fıtnes klýbtar, toqyma jáne hımııalyq tazalaý qyzmeti, shashtaraz jáne sulýlyq salondar men jyljymaıtyn múlikti jalǵa berý qyzmeti»,- dedi Mańǵystaý oblystyq saýda jáne kásipkerlik basqarmasy basshysynyń mindetin atqarýshy Muqanbetjan Kóbegen.

«Damý» kásipkerlikti damytý qorynyń Mańǵystaý oblysy boıynsha basshysy Gúljan Qalymbetovanyń aıtýynsha, kásipkerler qazan aıynyń 30-na deıin ótinish jibere alady.

«Memleketten qoldaý alý úshin kásipkerler 30 qazanǵa deıin bankke ótinim berýi qajet. Bank olarǵa nesıe berý boıynsha qyzmet kórsetedi. Sodan soń «Damý» qory bankter bergen tizimder men saýalnama-ótinishter negizinde 5 jumys kúninen aspaıtyn merzimde sýbsıdııalaý múmkindigi týraly sheshim qabyldaıdy», - dedi Gúljan Qalymbetova.

Baǵdarlamaǵa qatysýdyń basty sharty - kásipkerde 2020 jyldyń 16 naýryzy kúnin esepke alǵandaǵy merzimde 180 kúnnen asqan nesıe bereshegi bolmaýy kerek.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT