Pandemııa shekteýleri áli 1-1,5 jyl saqtalýy múmkin – ǵalym boljamy
2021 jylǵy 30 qarasha 17:17

Pandemııa shekteýleri áli 1-1,5 jyl saqtalýy múmkin – ǵalym boljamy

NUR-SULTAN. QAZAQPARAT – Qazaqstan medıtsına ýnıversıtetiniń epıdemıologııa, bıostatıstıka jáne dáleldi medıtsına kafedrasynyń dotsenti Rafaıl Qypshaqbaev koronavırýs pandemııasynyń qashan aıaqtalatyny týraly boljamyn aıtty, dep habarlaıdy QazAqparat tilshisi.

«Boljam jasaý - abyroı bermeıtin is. Pandemııaǵa kelsek, buǵan deıingi tuspaldarym teris ketip kórgen joq. Vırýs mýtatsııaǵa túsken saıyn taralý aýqymy keńeıetinin, indet juqtyrǵandardyń sany arta túsetinin, biraq aýyrtpalyǵy alǵashqydan jeńilirek bolatynyn aıtqan edim. Solaı boldy da. Bálkim, koronavırýs sımptomsyz ınfektsııa deńgeıine deıin túrlenetin shyǵar. ıAǵnı, birinshiden, vırýs ǵaıyp bolmaıdy. Ol bizben birge óte uzaq ómir súretin shyǵar. Iá, qazir biz vırýstyń saldarymen ǵana kúresip otyrmyz. Sebebin emdeý múmkin bolmaı tur. Osyny eskersek, pandemııa toqtaı qoımaıdy», - dedi ǵalym Densaýlyq mınıstrligi uıymdastyrǵan onlaın dáriste.

Mamannyń aıtýynsha, koronavırýstyń tumaý sııaqty deńgeıdegi aýrýǵa aınalatyny týraly boljamdardyń negizi bar.

«Koronavırýs pandemııasyna baılanysty shekteý sharalarynyń bári 1-1,5 jyldan keıin aıaqtalýy múmkin. Sodan keıin bul vırýs ómirimizge myqtap enip, tumaý men sýyq tııý arasyndaǵy aýyrtpalyǵy bar aýrý qozdyrǵyshqa aınalady. Sırek jaǵdaılarda táýekel toptarynyń ókilderi úshin asqynýlary bolýy múmkin. Biraq basym jaǵdaıda adamdar bul ınfektsııany ońaı ári jeńil ótkeredi», - dedi Rafaıl Qypshaqbaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT