+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Pandemııa baspa basylymdarynyń ınternetke aýysýyn jedeldetti

2021 jylǵy 28 qyrkúıek 18:54
Bólisińiz:
Pandemııa baspa basylymdarynyń ınternetke aýysýyn jedeldetti

NUR-SULTAN. QazAqparat – Pandemııa saldarynan baspa basylymdarynyń ınternetke aýysý protsesi jedeldedi. Bul pikirdi Nur Media holdınginiń bas dırektory Bolat Kalıanbekov aıtty, dep habarlaıdy QazAqparat tilshisi.

«Qazaqstan qoǵamynda aqparatty tutyný deńgeıi óte joǵary, tipti bazalyq qajettilikke aınaldy deýge bolady. Kóp adamdar uıqydan turysymen smartfonyn izdeıdi. Osyǵan baılanysty bizge BAQ retinde básekeni kúsheıtý qajet. Pandemııa saldarynan baspa basylymdarynyń ınternetke aýysý protsesi jedeldedi. Qazirgi ýaqytta baspa gazetteriniń aqparat berý júıesi óte kúrdeli, onda qaǵaz jetkizý, tıpografııa jumysy, gazetti oqyrmanǵa jetkizetin dıstrıbýtsııa syndy aýqymdy tehnologııalyq tizbekter bar. Pandemııa kezinde osy tizbekterge aýyr soqqy tıdi. Shekaralar jabylyp, qaǵaz jetkizý isi qıyndady, tıpografııa shyǵyny kóbeıdi. Saldarynan gazet tırajy azaıdy», - dedi spıker Astana Media Week forýmynyń «Jańa, kovıdtan keıingi álemdegi qoǵam jáne BAQ» paneldik sessııasynda.

Onyń aıtýynsha, baspa basylymdarynyń mańyzy azaıǵanyn jarnama isi de kórsetip otyr.

El ishinde sońǵy 5 jylda baspa basylymynyń jarnamadaǵy úlesi 8 paıyzdan 4 paıyzǵa deıin tómendegen.

Jalpy 2020 jyly Qazaqstanda jarnama naryǵy 11 paıyzǵa tómendedi.

Ásirese radıoda 90 paıyzdyq tómendeý bar, óıtkeni adamdar kólikpen eshqaıda barmady, ádette radıo tyńdaıtyn meıramhanalar men saýda ortalyqtary jumys istemedi.

«Munyń bári baspa basylymdarynyń ınternetke kóshýin jedeldetti. Tsıfrlyq formatqa aýysý trendke aınaldy deýge bolady. Ótken jyly birneshe jyldyq tarıhy bar «Ekspress-K» gazeti baspa nusqasynan bas tartyp, tolyǵymen ınternetke aýysty. Árıne, baspa basylymdarynyń kúni bitti dep boljaýǵa áli erte. Óıtkeni olardyń óz oqyrmany bar. Tek qana baspa gazetteri jedel aqparat berýde artta qaldy. Al kún tártibindegi ózekti máselelerdi talqylaýda ózektiligin joǵaltpady. Intervıý, jan-jaqty saraptamalar ınternette durys oqylmasa da, baspa betterinde jaqsy oqylady. Biz muny túsinemiz», - dep qorytyndylady B. Kalıanbekov.

Eske sala ketsek, keshe elordada Astana Media Week – 2021 jyl saıynǵy medıaaptalyǵy bastaldy.

AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi. Ondaǵy is-sharalar onlaın jáne oflaın-alańdarda da josparlanǵan.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT