+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Pandemııa azyq-túlik qaýipsizdigindegi osaldyqty ashyp kórsetti – Prezıdent

2021 jylǵy 10 shilde 18:55
Bólisińiz:
Pandemııa azyq-túlik qaýipsizdigindegi osaldyqty ashyp kórsetti – Prezıdent

NUR-SULTAN. QazAqparat – Memleket basshysy Qasym-Jomart Toqaev eldegi azyq-túliktiń qymbattaýy jóninde pikir bildirdi, dep habarlaıdy QazAqparat tilshisi.

Uqsas jańalyqtar

«Daǵdarysqa qarsy qabyldanǵan fıskaldyq quıýlar, jumsaq aqsha-nesıe saıasaty sııaqty sharalar kezinde ınflıatsııa qarqyny jedeldedi. Álemdik saýdanyń jandanýy jáne suranys pen usynystyń teńgerimsizdigi bul máseleni odan ári ýshyqtyrýda. BUU Azyq-túlik jáne aýylsharýashylyq uıymynyń málimetterinshe, azyq-túliktiń álemdik baǵasy 40%-ǵa kóterildi – bul onjyldyqtaǵy eń joǵary kórsetkish. Mundaı jaǵdaıda eldegi ınflıatsııa alǵashqy jarty jylda 7,9%-dy qurady. Bul belgilengen 4-6% nysanaly dálizinen áldeqaıda joǵary», - dedi Prezıdent Úkimettiń keńeıtilgen otyrysynda.

Q. Toqaev azyq-túliktiń qymbattaýy eń ótkir másele bolyp otyrǵanyn jetkizdi.

«Pandemııa azyq-túlik qaýipsizdigi turǵysynan eldiń osaldyǵyn ashyp kórsetti. Árıne biz Qazaqstannyń ekonomıkasy ashyq ekenin, tıisinshe ımport nemese eksport úshin óz naryqtarymyzdy jaba almaıtynymyzdy túsinemiz. Bul sala úshin de, tutynýshylar úshin de keri áser etedi. Sonymen birge, otandyq aýyl sharýashylyǵy salasynyń ishki naryqty bazalyq ónimdermen qamtamasyz ete almaýy týraly syn da óte oryndy.

Óndiristik shyǵyndardan bólek, baǵanyń negizgi faktorlary retinde maýsymdyq pen kóleńkeli deldaldyq shemalardy ataýǵa bolady. Maýsymdyqty ataýyna qarap-aq jyl saıyn kútiletin nárse ekeni, demek ony basqarýǵa da bolatyny túsinikti. Bul máseleniń sheshimi ónimdi kelesi maýsymǵa deıin saqtaýdyń zamanaýı jáne qoljetimdi ınfraqurylymyn qurýǵa negizdelgen», - dedi Qasym-Jomart Toqaev.

Prezıdent Úkimet pen ákimdikterge kókónis ónimderin saqtaıtyn qoımalar salý jáne jańǵyrtý josparyn ázirleýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT