FÝTBOLDAN ÁLEM ChEMPIONATY-2022
  Jańalyqtar  >

Pákistanda sý tasqynynan 1700-ge jýyq adam qaza tapty

2022 jylǵy 3 qazan, 15:06
Pákistanda sý tasqynynan 1700-ge jýyq adam qaza tapty

ISLAMABAD. Sınhýa – QazAqparat – Pákistanda maýsym aıynyń ortasynda bastalǵan mýsson jańbyry men sý tasqyny saldarynan qaza tapqandardyń jalpy sany 1695 adamǵa jetti, taǵy 12865 adam jaraqat aldy.

Bul týraly Pákistannyń Tabıǵı apattardy basqarý ulttyq basqarmasy (NDMA) málimdedi, dep habarlaıdy QazAqparat Sınhýa aqparat agenttigine silteme jasap.

NDMA esebine sáıkes, tabıǵı apat saldarynan qaza bolǵandar arasynda 630 bala men 340 áıel bar.

Bárinen de ońtústiktegi Sınd provıntsııasy qatty zardap shekken. Onda qaza bolǵandar sany 759 adamǵa jetti. Ońtústik-batystaǵy Belýdjıstan jáne soltústik-batystaǵy Haıber-Pahtýnhvada sáıkesinshe 336 jáne 307 adam qaza tapty.

Budan bólek, Pákistannyń túrli aımaqtarynda 2 045 349 úı qırap, 1 162 122 bas mal qyryldy, delingen habarlamada.

Sý tasqynynan 84 okrýg pen 33 046 329 adam zardap shekti. Jaýyn-shashyn maýsymy bastalǵaly beri 13 myńnan astam shaqyrym jol men 440 kópir zaqymdanǵan.

Foto:russian.news.cn





Tegı:
Oqıǵa   Álem   Sý tasqyny  
Uqsas jańalyqtar
Seriktester jańalyqtary

Jańalyqtar