Pákistan shetelden kólik, telefon jáne kosmetıka ımporttaýǵa tyıym saldy

NUR-SULTAN. QazAqparat – Bul shara valıýta qoryn saqtap qalýǵa múmkindik beredi, dep habarlaıdy QazAqparat The Economic Times basylymyna silteme jasap.

Tótenshe ekonomıkalyq jaǵdaıǵa baılanysty Pákistan úkimeti asa qajetti taýarlarǵa jatpaıtyn sándi zattardy ımporttaýǵa tyıym saldy.

Tyıym salynǵan taýarlardyń ishinde avtomobıl, uıaly telefon, turmystyq tehnıka jáne kosmetıka bar.

Buǵan janarmaı, jeıtin maı men burshaq daqyldary kirmeıdi.

Pákistannyń aqparat mınıstri Marıým Aýrangzeb sándi taýarlarǵa tyıym salý valıýta qoryn saqtaýǵa kómektesetinin málimdedi.

Valıýta rezervi aqpan-mamyr aralyǵynda $16,3-ten $10 mlrd-qa deıin qysqarǵan.

Sonymen qatar, osynyń arqasynda úkimet jyl saıyn $6 mlrd-qa deıin qarajat únemdeýdi josparlap otyr.

Keıbir boljamdarǵa sáıkes, bıyl Pákistannyń bıýdjet tapshylyǵy shamamen $17 mlrd quraǵan nemese JІÓ-niń 4,5%-dan asady.